Techie IT
२०८१ चैत्र २३, शनिबार

आजको राशिफल


आज विक्रम संवत २०८१ साल चैत्र २२ गते,  शुक्रबार ।चैत शुक्ल पक्षको सप्तमी तिथि। ईश्वी सन् २०२५ अप्रिल ४ तारिख । नेपाल संवत् ११४५ । कालयुक्तनाम संवत्सर । काठमाडौंमा सूर्योदय बिहान ०५ बजेर ५३ मिनेट । सूर्यास्त बेलुकी ६ बजेर २२ मिनेट । ज्योतिष पण्डित जनेश्वर जोशीले तयार पार्नुभएको आजको राशिफल हेर्नुहोस्;-  

मेष
आजको दिन तपाईंका लागि फलदायी देखिन्छ। सानो प्रयासले ठूलो नतिजा हात लाग्नेछ। प्रतिस्पर्धामा जित हात लाग्ने सम्भावना छ भने प्रेम सम्बन्धमा आत्मीयता थपिनेछ। दाजुभाइ वा छिमेकीसँग सम्बन्ध सुदृढ हुने देखिन्छ। आफन्तसँग मिलेर व्यापार गर्दा राम्रो आम्दानी प्राप्त हुनेछ। उद्योगधन्दामा लगानी बढाए आर्थिक लाभ मिल्ने संकेत छ। यद्यपि बाहिरी वातावरण र स्वास्थ्यको ख्याल गर्नुपर्ने समय हो।

वृष
परिवार र नजिकका व्यक्तिबाट समर्थन प्राप्त हुनेछ। नयाँ आयस्रोत फेला पर्नेछ र विगतका प्रयासहरूको मूल्याङ्कन हुनेछ। पढाइ, लेखाइ वा बौद्धिक काममा मन लाग्नेछ। स्वास्थ्यमा सुधार आउनेछ, तर मौसमी रोगप्रति सतर्क रहनुहोस्। परिवारभित्र सकारात्मक ऊर्जा रहनेछ, जसले तपाईंलाई प्रेरणा दिनेछ।

मिथुन
आजको दिन नयाँ सुरुवातका लागि उपयुक्त देखिन्छ। पुराना कामबाट लाभ मिल्नेछ भने नयाँ योजना सफल हुने संकेत छ। समाजमा प्रतिष्ठा बढ्नेछ। दाजुभाइको सहयोगबाट फाइदा हुने सम्भावना छ। प्रेम सम्बन्धमा उत्साह र सकारात्मक परिवर्तन आउनेछ। छोटो यात्रा हुने र परिवारसँगको साथले मन रमाइलो रहनेछ।

कर्कट
आज अनावश्यक खर्च बढ्न सक्छ र योजनाहरूमा ढिलाइ हुने सम्भावना छ। विदेशसँग सम्बन्धित काम वा वैदेशिक स्रोतबाट केही लाभ मिल्न सक्छ। आफन्तसँगको सामान्य विवादले मन दुख्न सक्छ, तर धैर्य र सजगताले समस्याहरू टार्न सकिनेछ। स्वास्थ्यमा समस्या देखिन सक्छ, त्यसैले खानपान र आराममा ध्यान दिनुहोस्।

सिंह
तपाईंको आत्मविश्वास उच्च रहनेछ। आफन्त र साथीसंगीहरूसँग भेटघाट र रमाइलो समय बित्नेछ। व्यापार व्यवसायमा लाभ हुनेछ भने रोजगारीमा प्रगति हुने संकेत छ। आम्दानीको नयाँ बाटो खुल्नेछ। तर, स्वास्थ्यमा सामान्य कमजोरी देखिन सक्छ, त्यसैले समयमै ध्यान दिनु उपयुक्त हुनेछ।

कन्या
कर्मक्षेत्रमा सफलता प्राप्त हुने समय आएको छ। अघिल्लो समय बन्द भएको व्यापार पुनः फस्टाउने सम्भावना छ। समाजसेवा वा राजनीतिमा संलग्न व्यक्तिका लागि सम्मान बढ्नेछ। प्रेम जीवनमा मिठास बढ्नेछ। तपाईंको सौम्य स्वभावले सबैको मन जित्न सक्नुहुनेछ।

तुला
आज बौद्धिक क्षमता प्रदर्शन गर्ने राम्रो समय हो। विलासी वस्तुहरू किन्ने योग देखिन्छ। धार्मिक र सांस्कृतिक क्षेत्रमा सक्रियता बढ्नेछ। भाग्य बलियो रहेकोले सानो लगानीबाट पनि लाभ मिल्नेछ। प्रेम सम्बन्धलाई विवाहतर्फ अघि बढाउने सहमति बन्ने सम्भावना छ।

वृश्चिक
आफन्तसँग सानातिना कुरामा विवाद हुन सक्छ। अहंकार वा कठोर बोलीले सम्बन्ध बिग्रिन सक्छ, त्यसैले संयम अपनाउनुहोस्। आर्थिक पक्षमा समस्या देखिए पनि सजगता अपनाए समाधान सम्भव छ। माया प्रेममा सामान्य मनमुटाव हुन सक्छ, तर समयमै कुरा मिलाउन सकिनेछ।

धनु
व्यापार व्यवसायमा प्रगति हुनेछ। लामो दूरीको यात्राबाट लाभ मिल्नेछ। प्रेम जीवनमा नयाँ अध्याय सुरु गर्न सकिनेछ। पति–पत्नीबीच सम्बन्धमा आत्मीयता बढ्नेछ। अध्ययन र परीक्षा दिनेका लागि समय फलदायी रहनेछ।

मकर
विवाद समाधान हुँदै तपाईंकै पक्षमा निर्णय आउनेछ। पढाइ लेखाइमा राम्रो सफलता मिल्नेछ। पुराना समस्याबाट मुक्त भई नयाँ सुरुवात गर्न सकिनेछ। स्वास्थ्य ठीक रहनेछ र काममा उर्जा बढ्नेछ। शत्रुहरू कमजोर हुनेछन् र आर्थिक स्रोत सजिलै जुट्नेछ।

कुम्भ
उपहार वा आकस्मिक लाभ प्राप्त हुने सम्भावना छ। सन्तानको प्रगति देखेर मन प्रफुल्ल हुनेछ। शिक्षा र व्यापारमा लगानीले फाइदा दिनेछ। नयाँ मानिसको आगमनले परिवारमा खुसी ल्याउनेछ। प्रेम र पारिवारिक सम्बन्धमा आत्मीयता बढ्नेछ।

मीन
मनमा केही खिन्नता रहन सक्छ। आमासँगको सम्बन्धमा दूरी वा मनमुटाव हुन सक्छ। स्वास्थ्यमा सामान्य समस्या देखिन सक्छ, विशेष गरी छाती वा घाटीको। पढाइ लेखाइमा ध्यान दिन गाह्रो हुन सक्छ। तर संकटमा परिवारले साथ दिनेछ र प्रेम जीवनमा सान्त्वना मिल्नेछ।
      
 



तपाईको प्रतिक्रिया दिनुहोस



सम्बन्धित खवर

Techie IT
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
ताजा अपडेट