आज विक्रम संवत २०८१ साल चैत्र २० गते, बुधबार । चैत शुक्ल पक्षको चौथी तिथि। ईश्वी सन् २०२५ अप्रिल २ तारिख । नेपाल संवत् ११४५ । काठमाडौंमा सूर्योदय बिहान ०५ बजेर ५६ मिनेट । सूर्यास्त बेलुकी ६ बजेर २० मिनेट । दिनमान ३१ घडी ४ पला । रैवारप्रेसका लागि ज्योतिष पण्डित जनेश्वर जोशीले तयार पार्नुभएको आजको राशिफल हेर्नुहोस् -

मेष
आज खोज तथा अनुसन्धानमा समय खर्च गर्दा सकारात्मक नतिजा हात लाग्नेछ । अध्ययन र अध्यापनमा अरुभन्दा अगाडि बढ्न सकिनेछ । पारिवारिक वातावरण सुमधुर रहनेछ भने आफन्तबाट आवश्यक सहयोग प्राप्त हुनेछ । व्यापारमा लगानी बढाएर आम्दानी बढाउने अवसर छ । बोलीको प्रभावका कारण बोलेकै भरमा काम बन्ने सम्भावना छ ।

वृष
राजनीतिक वा सामाजिक कार्यमा जनताको साथ र समर्थन प्राप्त हुनेछ । व्यापार व्यवसाय फस्टाउँदै जानेछ भने आर्थिक पक्ष बलियो हुनेछ । माया प्रेममा नजिकिने अवसर मिल्नेछ भने पढाइमा राम्रो नतिजा हात पार्न सकिनेछ । आत्मविश्वास बढ्नेछ, जसका कारण नयाँ अवसरको ढोका खुल्नेछन् । आफन्त तथा अग्रजको साथ र सुझावले जीवनमा सकारात्मक परिवर्तन ल्याउनेछ ।

मिथुन
स्वास्थ्यमा केही कमजोरी देखिन सक्छ, जसका कारण औषधि उपचारमा खर्च बढ्ने सम्भावना छ । व्यापार व्यवसायमा लगानी गरे पनि अपेक्षा अनुसारको नाफा नहुन सक्छ । पढाइमा समय दिन नसक्दा अरूभन्दा पछि परिने सम्भावना छ । नजिकका मानिसहरूसँग असमझदारी बढ्न सक्छ, संयमित रहनु नै उचित हुनेछ । तर, लामो दूरीको यात्रा हुने सम्भावना रहेको छ ।

कर्कट
आजको दिन आर्थिक रूपमा लाभदायक रहनेछ । अधुरा रहेका योजना पूरा गर्न सकिनेछ भने व्यापार व्यवसाय, शेयर बजार वा पशुपालन व्यवसायबाट राम्रो आम्दानी हुनेछ । सन्तान सुख प्राप्त हुने योग छ भने घर परिवारमा खुसीयाली छाउनेछ । पारिवारिक सम्बन्ध मजबुत बन्नेछ भने पढाइमा उत्कृष्ट नतिजा हात पर्ने सम्भावना छ । मायाप्रेममा निकटता बढ्नेछ ।

सिंह
पैत्रिक सम्पत्तिबाट फाइदा लिन सकिनेछ भने नयाँ कामको अवसर प्राप्त हुनेछ । रोजगारीका लागि प्रयत्न गरिरहेका व्यक्तिले सफलता हात पार्न सक्छन् । कुनै नयाँ परियोजनामा लगानी गर्ने सोच बनाएका व्यक्तिहरूले फाइदा उठाउन सक्छन् । लक्ष्य प्राप्तिका लागि चालिएका कदमहरू सफल हुनेछन् । प्रेम सम्बन्ध सुदृढ हुनेछ भने संगीत र मनोरञ्जन क्षेत्रमा समय बित्ने सम्भावना छ ।

कन्या
वित्तीय क्षेत्रमा गरिएको लगानी लाभदायक साबित हुनेछ । मौसमी व्यापार व्यवसायबाट राम्रो आम्दानी हुनेछ । सामाजिक काममा संलग्न हुने अवसर मिल्नेछ भने धर्मकर्म तथा कल्याणकारी कार्यमा रुचि बढ्नेछ । लामो दूरीको धार्मिक वा शैक्षिक यात्राको सम्भावना रहेको छ । परिवार तथा आफन्तसँग रमाइलो गर्ने अवसर मिल्नेछ ।

तुला
आर्थिक समस्याले केही समय तनावमा पार्न सक्छ । ऋण, शत्रु र स्वास्थ्यसम्बन्धी केही चुनौतीको सामना गर्नुपर्ने हुन सक्छ । प्रेमसम्बन्धमा अविश्वासको अवस्था सिर्जना हुनसक्छ, संयमित बन्नु राम्रो हुनेछ । भौतिक सम्पत्ति वा सवारी साधन प्रयोग गर्दा विशेष ध्यान दिनु आवश्यक छ । तर, परिवारका सदस्यसँग भेटघाट गर्ने अवसर मिल्नेछ, जसले मन हलुका बनाउनेछ ।

वृश्चिक
परम्परागत सोचमा केही परिवर्तन गर्ने समय आएको छ । कार्यक्षेत्रमा प्रशंसा प्राप्त हुनेछ भने आत्मबल उच्च रहनेछ । कुनै विशेष समारोहमा सहभागी हुने अवसर प्राप्त हुनेछ, जसले समाजमा प्रतिष्ठा बढाउनेछ । परिवारसँग आत्मीय सम्बन्ध बलियो हुनेछ । प्रेम सम्बन्ध मजबुत बन्नेछ भने साथी भाइको साथ र सहयोग प्राप्त हुनेछ ।

धनु
व्यवसायमा राम्रो आम्दानी हुनेछ भने पुराना कारोबारहरू सुल्झाउने अवसर मिल्नेछ । शत्रुले तपाईंलाई दुःख दिन खोजे पनि अन्ततः पराजित हुनेछ । आफन्त तथा मावली पक्षबाट आवश्यक सहयोग प्राप्त हुनेछ । कुनै विवाद वा न्यायिक मामिलामा तपाईंको पक्ष बलियो रहनेछ । पढाइमा उत्कृष्ट नतिजा हात पार्न सकिनेछ भने आत्मविश्वास बढ्नेछ ।

मकर
मन पर्ने व्यक्तिबाट उपहार प्राप्त गर्ने सम्भावना छ । मायाप्रेममा रमाउन चाहनाहरूका लागि समय राम्रो रहेको छ । यात्राको अवसर मिल्नेछ भने विलासी वस्तुहरूको प्रयोगले अरुको ध्यान खिच्न सकिनेछ । खाद्यान्न तथा सुनचाँदीको व्यापार व्यवसायमा राम्रो आम्दानी हुनेछ । राजनीति वा सामाजिक क्षेत्रमा संलग्न व्यक्तिहरूका लागि अवसरहरू आउनेछन् ।

कुम्भ
आमा वा आफन्तबाट राम्रो सुझाव प्राप्त हुनेछ । कृषि तथा पशुपालन व्यवसायमा राम्रो फाइदा उठाउन सकिनेछ । सामाजिक कार्यमा विशेष समय दिनुपर्ने हुन सक्छ । राजनीति तथा समाजसेवामा लागेका व्यक्तिहरूले जनताको मन जित्नका लागि समदूरी अपनाउनु आवश्यक छ । सवारीसाधनको खरिद बिक्रीबाट फाइदा उठाउन सकिनेछ ।

मीन
छोटो प्रयासले राम्रो उपलब्धि हात पार्न सकिनेछ। प्रतिस्पर्धीहरूलाई पराजित गर्दै नयाँ अवसरहरू सिर्जना गर्न सकिनेछ । मायाप्रेममा सामिप्यता बढ्नेछ भने मिल्ने साथीहरूको सहयोगले कार्य सम्पन्न गर्न सहज हुनेछ । विगतमा रोकिएका कामहरू अघि बढ्नेछन् भने पढाइमा सुधार हुँदै जानेछ। छरछिमेकमा सहयोगी व्यवहार देखाउँदै सामाजिक रूपमा प्रतिष्ठा कमाउन सकिनेछ । वित्तीय क्षेत्रमा गरिएको लगानी लाभदायक रहनेछ ।