आज विक्रम संवत २०८१ साल चैत्र ६ गते, बुधबार । चैत कृष्ण पक्षको पञ्चमी तिथि। ईश्वी सन् २०२५ मार्च १९ तारिख । नेपाल संवत् ११४५ । काठमाडौंमा सूर्योदय बिहान ०६ बजेर ११ मिनेट । सूर्यास्त बेलुकी ६ बजेर १३ मिनेट । दिनमान ३० घडी ६ पला । रैवारप्रेसका लागि ज्योतिष पण्डित जनेश्वर जोशीले तयार पार्नुभएको आजको राशिफल हेर्नुहोस्-.

मेष – आजको दिन सानातिना कुराले ध्यान तान्ने सम्भावना छ । महत्वपूर्ण कार्यहरु ढिलो हुन सक्छन् । कामको चाप बढ्न सक्छ। स्वास्थ्यतर्फ सामान्य समस्या देखिन सक्छ । प्रेम सम्बन्धमा मतभेद आउने सम्भावना ।

वृष – पारिवारिक सम्बन्ध र प्रेम जीवनमा केही मनमुटावको स्थिति देखिन्छ । आपसी समझदारीको खाँचो महसुस हुनेछ । विलासितामा आकर्षण बढ्ने । अध्ययनमा भने सकारात्मक सुधार देखिन्छ । शेयर बजार वा वित्तीय क्षेत्रमा गरिएको लगानीबाट फाइदा उठाउन सकिने समय रहेको छ ।

मिथुन – आजको दिन प्रतिस्पर्धात्मक क्षेत्रमा तपाईंको प्रभुत्व देखिनेछ । आत्मविश्वास बलियो रहनेछ र तपाईंका प्रयासले राम्रो परिणाम ल्याउनेछन् । प्रेम सम्बन्धमा आत्मीयता बढ्नेछ भने वैवाहिक जीवन पनि सुखद रहनेछ । विगतमा देखिएका स्वास्थ्यसम्बन्धी समस्या कम हुँदै जानेछ । परिवार वा मावली पक्षबाट सहयोग मिल्ने सम्भावना छ ।

कर्कट – शिक्षा र ज्ञानसँग सम्बन्धित कार्यमा राम्रो सफलता मिल्ने संकेत देखिन्छ । सन्तान सुख र सन्तानको प्रगतिबाट मन खुसी हुने दिन हो । अध्यात्म र धार्मिक कुराप्रति रुचि बढ्नेछ । प्रेम सम्बन्धमा विश्वास र आत्मीयता बढ्नेछ, नयाँ उपहार पाउने अवसर पनि छ । जागिरमा पदोन्नति वा नयाँ जिम्मेवारी आउने सम्भावना छ ।

सिंह – सामाजिक तथा राजनीतिक क्षेत्रका लागि अनुकूल समय हो, तर तपाईंको व्यवहारमा सन्तुलन राख्न आवश्यक छ। अध्ययन अध्यापनमा विशेष ध्यान दिनु पर्नेछ, सफलता पाउन कडा मेहनत आवश्यक देखिन्छ। आमाको सल्लाह वा सहयोगले तपाईंको निर्णयमा सकारात्मक प्रभाव पार्नेछ। कृषि तथा पशुपालनबाट लाभ मिल्नेछ। सवारीसाधन खरिद बिक्री गर्ने योजनामा सफलता मिल्ने योग छ।

कन्या – आर्थिक हिसाबले आजको दिन लाभदायक देखिन्छ ।  विवाद वा झैझगडाका विषयहरु तपाईंको पक्षमा टुंगिने संकेत छन् । छोटो यात्रा हुने । साथीभाइसँग राम्रो सम्बन्ध रहने । प्रेम सम्बन्धमा सुधार आउनेछ ।

तुला – आजको दिन मनोरञ्जन र सृजनशीलतामा बित्नेछ । गीत-संगीत, कला वा अन्य सिर्जनात्मक काममा रुचि बढ्नेछ । धन तथा सम्पत्तिको राम्रो उपयोग गर्न सकिनेछ । पारिवारिक वातावरण मिलनसार र सुखद रहनेछ । प्रेम जीवनमा आत्मीयता थपिनेछ । पुँजी बजारमा लगानी गर्नु लाभदायक हुनेछ ।

वृश्चिक – व्यापार र व्यवसायमा नयाँ प्रविधिको प्रयोगबाट फाइदा उठाउन सकिनेछ । पढाइमा प्रगति देखिनेछ । प्रेममा समझदारी बढ्नेछ र पारिवारिक सम्बन्ध पनि प्रगाढ हुनेछ । राजनीति वा समाजसेवामा लाग्नेले समयको उचित व्यवस्थापन गर्न सकेमा सम्मान र सफलता पाउनेछन् । यात्राको सम्भावना देखिन्छ ।

धनु – बिहानको समय लगानी तथा आर्थिक निर्णयका लागि उत्तम देखिन्छ । प्रविधिको सहायताले पढाइमा निरन्तरता दिन सकिनेछ । प्रेममा रमाउन चाहनेका लागि राम्रो समय हो ।  स्वास्थ्यमा सामान्य असजिलोपन आउन सक्छ ।

मकर – कृषि तथा पशुपालनमा लगानी गर्नु उपयुक्त हुने ।  बैक तथा शिक्षा सम्बन्धी कामहरू पनि सफलता प्राप्त हुने देखिन्छ । प्रेममा निकटता बढ्नेछ र जीवनसाथीको साथले आत्मबल बढ्नेछ । इच्छाहरू पूरा हुने सम्भावना छ । सामाजिक सञ्जाल तथा प्रविधिमार्फत आफ्ना विचारलाई अगाडि ल्याउने मौका प्राप्त हुनेछ ।

कुम्भ – व्यापारमा सजगता आवश्यक छ, घाटाको सम्भावना देखिन्छ । धार्मिक कार्य वा परोपकारी काममा सहभागी भई मानसिक शान्ति प्राप्त गर्न सकिनेछ । ठूला व्यक्तिहरूसँगको भेटघाटले हौसला मिल्नेछ । प्रेममा आत्मीयता बढ्नेछ र पारिवारिक सहयोग पनि प्राप्त हुनेछ । 

मीन – आजको दिन सामान्य रहनेछ । धार्मिक तथा आध्यात्मिक कुरामा रुचि बढ्नेछ । पढाइ र खोजमूलक क्षेत्रमा प्रगति देखिन्छ । गुरुवर्ग वा सम्मानित व्यक्तिबाट प्रेरणा प्राप्त हुनेछ । लामो दूरीको यात्रा हुने सम्भावना छ ।