लेबनानको दक्षिणी भागमा युद्धविरामका बावजुद सोमबार भएको इजरायली आक्रमणमा हिजबुल्लाहका एक कमाण्डरको मृत्यु भएको इजरायली सेनाले जनाएको छ ।

गत नोभेम्बर २७ मा इरान समर्थित हिजबुल्लाह समूहसँग एक वर्षभन्दा बढी समयदेखि जारी युद्धविराम र दुई महिनालामो युद्धपछि इजरायलले लेबनानमाथि आक्रमण जारी राखेको छ । लेबनानको स्वास्थ्य मन्त्रालयले जारी गरेको वक्तव्यमा भनिएको छ, “इजरायली शत्रुले सोमबार सीमा नजिकैको तैबेह शहरमा गरेको आक्रमणमा परी एक नागरिकको मृत्यु भएको छ ।”

इजरायली सेनाले ‘आफ्नो आक्रमणबाट युद्धको समयमा उत्तरी इजरायलको माथिल्लो गालील क्षेत्रतर्फ थुप्रै क्षेप्यास्त्र आक्रमणहरूमा संलग्न हिजबुल्लाहका तोपखाना कमान्डरको मृत्यु भएको जनाएको छ ।

लेबनानको सरकारी समाचार संस्था नेसनल न्यूज एजेन्सी (एनएनए) का अनुसार दक्षिण लेबनानको मर्जायोन जिल्लामा रहेको उक्त शहरमा मोटरसाइकल मर्मत गर्ने एक पसल अगाडि आक्रमण भएको हो । आइतबार लेबनानले दक्षिण लेबनानको जिबकिनमा इजरायली आक्रमणमा परी दुई जनाको मृत्यु भएको बताएको थियो भने इजरायली सेनाले उक्त क्षेत्रमा हिजबुल्लाहका कार्यकर्तालाई लक्षित गरी आक्रमण गरेको बताएको थियो ।

एनएनएले आइतबार दक्षिण लेबनानको नाकुरा क्षेत्रमा अस्थाई घरहरूमा इजरायलले आक्रमण गरेको जनाएको छ। यस्ता संरचनाहरू सामान्यतया द्वन्द्वमा घर फर्कने घर भत्किएका बासिन्दाहरूका लागि बनाइएका छन् ।

गत हप्ता इजरायली आक्रमणले दक्षिण लेबनानका अन्य स्थानहरू र हिजबुल्लाहको दक्षिणी बेरुत किल्लालाई समेत निशाना बनाएको थियो।