रूसले साउदी अरबमा भएको वार्तापछि किएभ सहमत भएको युक्रेनमा प्रस्तावित युद्धविरामको विस्तृत विवरणबारे अमेरिकाले जानकारी गराउने प्रतिक्षा गरिरहेको क्रेमलिनले जनाएको छ । युक्रेनले ३० दिने युद्धविरामको सुझावलाई समर्थन गर्दै रुससँग तत्काल वार्ता गर्न सहमत भएपछि वासिङ्टनले अब बल मस्कोको कोर्टमा पुगेको बताएको छ ।

जेद्दाह वार्तापछि अमेरिकाले युक्रेनलाई दिइँदै आएको सैन्य सहायतामा लगाइएको प्रतिबन्ध फुकुवा गरेको थियो । मस्को युद्धविरामका लागि सहमत हुन्छ कि हुँदैन भन्ने प्रश्नमा क्रेमलिनका प्रवक्ता दिमित्री पेस्कोभले पत्रकारलाई भने, “तपाईहरू धेरै अघि बढ्नुभयो ।”

उनले भने, “हामीले आगामी दिनमा अमेरिकीहरूसँग सम्पर्क गर्ने योजना बनाएका छौं, जुन अवधिमा हामी सम्पूर्ण जानकारी प्राप्त गर्ने मा भरोसा गर्दछौं।” पेस्कोभल भने, “अमेरिकी विदेशमन्त्री मार्को रुबियो र सल्लाहकार माइकल वाल्जले आगामी दिनमा विभिन्न च्यानलहरू मार्फत हामीलाई वार्ता र भएका समझदारीहरूको बारेमा जानकारी दिनेछन् भन्ने हामी अनुमान गरेका छौँ ।”

युक्रेनसँगको वार्तामा संलग्न अमेरिकी अधिकारीसँग ‘उच्चस्तरीय’ फोन वार्ता हुने सम्भावनालाई स्वीकार्दै उनले भने, “अमेरिकासँगको कुराकानी पछि यस सदर्भमा के गर्ने भन्ने निर्णय गर्नु उपयुक्त होला ।”

रुसी राष्ट्रपति भ्लादिमिर पुटिनले गत महिना आफ्ना अमेरिकी समकक्षी डोनाल्ड ट्रम्पसँग युक्रेनमा तीन वर्षदेखि जारी द्वन्द्व अन्त्य गर्ने उद्देश्यले कुराकानी गरेका थिए । मस्कोले यसअघि युक्रेनमा युद्धविराम गर्न सहमत नहुने बताउँदै आएको थियो र यसले किएभलाई पुनः हतियार उठाउने अवसरको खोजी गरिरहेको तर्क गर्दै आएको थियो।

पेस्कोभले मस्कोले जेद्दाहमा दिइएका सबै वक्तव्यहरूलाई ध्यानपूर्वक अध्ययन गरिरहेको पनि बताएका छन् ।