नेपाल सुपर लिग (एनएसएल) फुटबल प्रतियोगितामा काठमाडौँ रेजर्सले पहिलो जीत निकालेको छ । दशरथ रङ्गशालामा आज भएको खेलमा काठमाडौँले बुटवल लुम्बिनी एफसीमाथि १–० को  जित निकाल्दै प्रतियोगितामा पहिलो जित दर्ता गरेको हो ।

काठमाडौँका लागि अमाडु डिओपले खेलको ८९ औँ मिनेटमा गरेको गोल नै निर्णायक बन्यो । जितसँगै काठमाडौँ अङ्क तालिकाको तेस्रो नम्बरमा उक्लिएको छ । यसअघिका दुई खेलमा बराबरी र एक खेलमा हार भोगेको काठमाडौँ ५ अङ्कसहित तेस्रो नम्बरमा उक्लिएको हो । बुटवल भने अङ्क तालिकाको अन्तिममा छ । बुटवल चार खेलमध्ये एक खेलमा बराबरी र तीन खेलमा पराजित भएको थिया ।