Techie IT
२०८१ चैत्र २३, शनिबार

पीएम कप– मधेस प्रदेशमाथि एपीएफको २ विकेटको रोमाञ्चक जित


काठमाडौं । जारी पीएम कपमा एपीएफ क्लबले लगातार दोस्रो जित हासिल गरेको छ । बिहीबार सम्पन्न खेलमा एपीएफले मधेश प्रदेशलाई २ विकेटले पराजित गरेको हो ।

मधेस प्रदेशले दिएको केअब्ल १६९ रनको लक्ष्य पछाएको एपीएफले ३६.५ ओभरमा ८ विकेट गुमाउँदै लक्ष्य पुरा गरेको थियो ।

एपीएफको जितमा सुमित महर्जनले सर्बाधिक ३५ रन बनाएका थिए भने आसिफ सेखले ३४, कमल सिंह ऐरीले अविजित २८, लोकेश बमले १८ र अमर राउटेलाले १६ रन बनाएका थिए । त्यस्तै मधेशका बलर कमला गुप्ताले ४ विकेट लिएका थिए भने प्रदिप पासवानले २ विकेट लिएका थिए ।

यस अघि टस जितेर पहिला ब्याटिंग गरेको मधेश प्रदेशले ४०.४ ओभरमा अल आउट हुँदै १६८ रन मात्र बनाएको थियो ।

मधेसका लागि पवन सराफले ७७ रन बनाएका थिए । पवनले प्रतियोगितामा लगातार दोस्रो अर्धशतक बनाएका थिए । उनले यसअघि कोशी प्रदेशविरुद्ध ९२ रन बनाएका थिए । त्यस्तै एपीएफका बलर कमल सिंह ऐरीले ४ विकेट लिएका थिए भने कप्तान रोहित पौडेल र भुवन कार्कीले २(२ विकेट लिएका थिए ।

यो जितपछि एपीएफको २ खेलमा दुवै जितसहित ४ अंक भएको छ भने मधेस प्रदेशको २ खेलमा एक जित र एक हारसहित २ अंक रहेको छ ।
  



तपाईको प्रतिक्रिया दिनुहोस



Techie IT
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
ताजा अपडेट