काठमाडौं । नेपाली महिला राष्ट्रिय टिमको फिफा वरियतामा सुधार भएको छ । नेपालले चार स्थानको सुधार गर्दै ९९औँ स्थानमा झरेको छ । यसअघि नेपाल १०३ स्थानमा थियो ।
हालै काठमाडौंमा सम्पन्न अन्तर्राष्ट्रिय महिला च्याम्पियनसिपमा गरेको प्रदर्शनपछि नेपालको वरियतामा सुधार भएको हो ।
नेपाली महिला टिमको फिफा वरियतामा अहिलेसम्मको उच्च वरियता ९१औँ स्थान हो भने सबैभन्दा कमजोर वरियता ११९औँ स्थान हो ।
त्यस्तै महिला फुटबलको वरियताको शीर्ष स्थानमा अमेरिका रहेको छ । त्यस्तै छिमेकी मुलुक भारत ६९औँ स्थानमा छ भने नेपाललाई अन्तर्राष्ट्रिय महिला च्याम्पियनसिपको फाइनलमा हराएको म्यानमारको वरियता ५५औँ रहेको छ ।
तपाईको प्रतिक्रिया दिनुहोस