कोशीमा सत्ता र विपक्षीको सहमति, प्रधानमन्त्रीको सम्बोधन बहिष्कार नगर्ने
२०८१ फागुन २७, मंगलबार १३:४३ मा प्रकाशित
काठमाडौं । कोशी प्रदेश सभामा प्रधानमन्त्री केपी शर्मा ओलीले सम्बोधन गर्दैछन् ।
आज (मंगलबार) उनले उक्त सभामा सम्बोधन गर्ने भएपछि विपक्षी दलहरूले बहिष्कारको चेतावनी दिएका थिए । तर, मुख्यमन्त्री हिक्मत कार्कीसँग विपक्षीको छलफल पश्चात् प्रधानमन्त्रीको सम्बोधन बहिष्कार नगर्ने सहमति भएको छ ।
मुख्यमन्त्री कार्कीले नेकपा (माओवादी केन्द्र) संसदीय दलका नेता इन्द्रबहादुर आङ्बोसँग छलफल गरेका छन् । कोशी प्रदेश सभामा दिउँसो २ बजे बस्दैछ ।
कोशीमा माओवादी केन्द्र, एकीकृत समाजवादी र राप्रपा प्रतिपक्षी दल हुन् ।
तपाईको प्रतिक्रिया दिनुहोस