नेकपा माओवादी केन्द्र निकट विद्यार्थी संगठन अखिल क्रान्तिकारीको सुदुरपश्चिम प्रदेश अध्यक्षमा डोटीका विर बहादुर थापा निर्वाचित भएका छन् । थापाले १३१ मत प्राप्त गरेका छन् भने उनका प्रतिद्वन्दी विरेन्द्र राज विष्टले ११५ मत पाएका थिए । 

यस्तै संगठनको  उपाध्यक्षमा तिलक बहादुर मालले १८५ मत, कैलाश चन्द गिरीले १५७ मत र जिवन केशीले १३८ मत प्राप्त गरेका छन् । 

मुख्य सचिवमा बझाङ्गका देवीजङ्ग बहादुर सिंहले १२८ मत प्राप्त गरि विजयी भएका छन् भने उनका प्रतिन्द्वन्दी शिव राज सन्ज्यालले १०७ मत ल्याए । 

त्यसैगरी, सचिवमा प्रकाश आचार्य, मनोज पुन मगर, कमल बहादुर थापा र रोहित जोशी विजयी भएका छन् ।  कोषाध्यक्षमा सुन्दर गौतम निर्विरोध भएका छन् । 

अखिल क्रान्तिकारी सुदुरपश्चिम प्रदेशको दोस्रो सम्मेलन भदौ २९ गते बाट शुरु भएको थियो । बन्द शत्र हुदै कमिटीको लागि सहमति हुन नसक्दा निर्वाचन भएको थियो ।