काठमाडौं । विद्यालय शिक्षा ऐन तुरुन्त जारी गर्न माग गर्दै शिक्षकहरू आन्दोलित भएका छन् ।
देशैभरबाट काठमाडौंमा जम्मा भएका शिक्षकहरू सडक आन्दोलनमा केन्द्रित छन् । उनीहरूले संसद्को विशेष अधिवेशन अर्थात् अध्यादेश ल्याएर भए पनि शिक्षा ऐन जारी गर्न माग गर्दै आन्दोलित भएका हुन् ।
आज (मंगलबार) शिक्षकहरूले दिउँसै टर्च बालेर विरोध प्रदर्शन गरेका छन् । यसअघि उनीहरूले कालोपट्टी बाधेर पनि विरोध गरेका थिए ।
गत २० वतेबाट जारी उनीहरूले आन्दोलनलाई चुस्त बनाएका छन् । सरकारले आफ्नो माग पूरा नगरेसम्म विद्यालय नफर्किने उनीहरूले अडान राखेका छन् ।
आन्दोलनलाई विभिन्न स्वरुपमा अगाडि बढाए पनि अधिकांश शिक्षक स्थिर देखिँदैनन् । उनीहरू प्रायः मनोरञ्जनमा देखिन्छन् । नाँचगान गर्दै रमाउँदै शिक्षकहरू आन्दोलनमा छन् ।
तपाईको प्रतिक्रिया दिनुहोस