काठमाडौं । नेपाल विद्युत् प्राधिकरणबाट हटाइएका कुलमान घिसिङले लोडसेडिङ अन्त्य चमत्कार नभएर इमानदार प्रयास भएको बताएका छन् ।
उनले आज (शुक्रबार, चैत २२) पत्रकार सम्मेलनको आयोजना गर्दै नेपालमा लोडसेडिङ हट्नुमा कुनै चमत्कार नभएर इमान्दार प्रयास भएको बताएका हुन् ।
उनले भने, ‘वैदेशिक मुद्रामा चाप परेको बेला हामीले विद्युत् निर्यात गरेर अर्थतन्त्रमा योगदान गर्यौँ । निरन्तर घाटामा रहेको प्राधिकरण अर्बौँ नाफामा छ । हामी प्राधिकरणलाई सशक्त र आत्मनिर्भर बनाउन सफल भयौँ । प्राधिकरणले जनताको घरघरमा बिजुली पुर्याउन सक्नु नै मेरो कार्यकालको सफलता हो ।’
सरकारले ४ महिना कार्यकाल बाँकी छँदै कार्यकारी निर्देशकबाट हटाएपछि कुलमान सर्वोच्च अदालत गएका थिए ।
तर, सर्वोच्चले अन्तरिम आदेश नदिएपछि उनले पत्रकार सम्मेलन गरेर सबै कुराको जानकारी गराएका छन् ।
तपाईको प्रतिक्रिया दिनुहोस