ताला तोडेर महानगरको जिम्मेवारीमा फर्किए गुरागाईं, कर्मचारीको तलब निकासा गर्ने तयारी
२०८१ चैत्र २१, बिहीबार १३:३६ मा प्रकाशित
_8.png)
काठमाडौं । मेयर बालेन साहले लगाएको ताला फुटाएर प्रमुख प्रशासकीय अधिकृत सरोज गुरागाईं काठमाडौं महानगरपालिकाको जिम्मेवारीमा फर्किएकाछन् ।
मेयर साहले लगाएको ताला प्रमुख सुनिता डंगोल, वडाध्यक्ष र कार्यरत कर्मचारीको पहलमा फुटाएर प्रमुख प्रशाशकीय अधिकृत गुरागाईं जिम्मेवारीमा फर्किएका हुन् ।
गुरागाईंलाई कार्यालयमा प्रवेश गर्न नदिन राजु पाण्डेको नेतृत्वमा महानगरीय प्रहरी खटाए पनि अन्ततः जनप्रतिनिधि र कर्मचारीको रोहबरमा ताला फोडेर साढे तीन महिना पछि उनी जिम्मेवारीमा फर्किएका हुन् ।
काठमाडौं महानगरमा यसअघि झन्डै पाँच महिनादेखि रोकिएको तलब शुक्रबारदेखि नै निकासा हुने उनले जानकारी दिए ।
तपाईको प्रतिक्रिया दिनुहोस