मधेस केन्द्रित दलहरूको संयुक्त मोर्चाको नेतृत्वका लागि सिके र उपेन्द्रबीच हानथाप
काठमाडौं । संघीय लोकतािन्त्रक मोर्चाको भावी नेतृत्वमा जनमत पार्टीका अध्यक्ष सिके राउतले दाबी गरेका छन् ।
तराई–मधेस केन्द्रित दलहरूमध्ये संसद्को सबैभन्दा ठूलो दलको हैसियतले राउतले दाबी गरेका हुन् ।
उनले आलोपालो अध्यक्षता नगरेर मोर्चाको नेतृत्व गर्नै परेको खण्डमा संसद्को सबैभन्दा ठूलो दलको हैसियतले जनमतले पाउनुपर्ने दाबी प्रस्तुत गरेका हुन् ।
मोर्चाको नेतृत्वलाई बहस चलिरहँदा अध्यक्ष राउतले ६ दलमध्ये आफ्नो दल ठूलो भएको तथ्यांकसमेत प्रस्तुत गरेका छन् । उनले भनेका छन्, ‘यस मोर्चामा सबै भन्दा ठूलो दल जनमत पार्टी (६) हो ।
त्यसपछि जसपा नेपाल (५), नागरिक उन्मुक्ति पार्टी (४), लोसपा (४ं), तमलोपा, जनता प्रगतिशील पार्टी, रा्ष्ट्रिय मुक्ति पार्टी रहेका छन् । नेतृत्व लिनै परे सबभन्दा ठूलो दल जनमत पार्टी (६)ले लिनेछ ।
उनले मोर्चाको अध्यक्ष कोही नहुने बताएका छन् । चक्रिय प्रणाली अनुसार बैठकमा क्रमशः दलहरूले अध्यक्षता गर्ने उनको भनाइ छ ।
उपेन्द्र यादवको सचिवालय स्रोतका अनुसार जसपा नेपालको पहलमा उक्त मोर्चा गठन भएकोले उनकै अध्यक्षतामा मोर्चालाई गति दिइनेछ ।
तपाईको प्रतिक्रिया दिनुहोस