तराई–मधेस केन्द्रित दलहरूको संयुक्त मोर्चाको घोषणा हुँदै
काठमाडौं । तराई–मधेस केन्द्रित दलहरूले आज (बिहीबार) संघीय लोकतान्त्रिक मोर्चाको घोषणा गर्ने भएका छन्
आज औपचारिक रूपमा घोषणा हुन लागेको मोर्चामा संघीय संसद्भित्र र बाहिरका ७ तराई–मधेस केन्द्रित दल रहनेछन् ।
मोर्चाको नाम संघीय लोकतान्त्रिक मधेसी मोर्चा राखिएको बुझिएको छ ।
यसअघि ८ दलको मधेसी मोर्चाको तयारी भए पनि अन्तिममा अशोक राई नेतृत्वको जनता समाजवादी पार्टी भने सो मोर्चामा सामेल नहुने भएको छ ।
जसअनुसार संसद्भित्र प्रतिनिधत्व गर्ने उपेन्द्र यादव नेतृत्वको जनता समाजवादी पार्टी नेपाल, महन्थ ठाकुर नेतृत्वको लोकतान्त्रिक समाजवादी पार्टी नेपाल, डा. सीके राउत नेतृत्वको जनमत पार्टी र रेशम लाल चौधरी संरक्षक रहेको नागरिक उन्मुक्ति पार्टी रहेका छन् ।
साथै, संसद्भन्दा बाहिर रहेका दलहरूमध्ये राजेन्द्र महतो नेतृत्वको राष्ट्रिय मुक्ति पार्टी नेपाल, हृदयेश त्रिपाठी नेतृत्वको जनता प्रगतिशील पार्टी र वृशेषचन्द्र लाल नेतृत्वको तराई–मधेस लोकतान्त्रिक पार्टी मोर्चामा सहभागी हुनेछन् ।
सो घोषणा दिउँसो ३ः०० बजे बानेश्वर बैंक्वटमा हुने नेता केशव झाले जानकारी दिए ।
तपाईको प्रतिक्रिया दिनुहोस