काठमाडौं । कुलमान घिसिङ र हितेन्द्रदेव शाक्यको मुद्दामा आज (बुधबार) पनि सुनुवाइ भएको छ ।
सर्वोच्च अदालतका न्यायाधीशद्वय डा.कुमार चुडाल र नित्यानन्द पाण्डेको इजलासमा सुनुवाइ हुनेछ ।
हिजो (मंगलबार) सुनुवाइ नसकिएपछि दुवैको मुद्दा ‘हेर्दा–हेर्दै’मा राखिएको थियो । चुडाल र पाण्डेको इजलासले नै अब अन्तरिम आदेश हुने र नहुने निर्णय गर्न सक्नेछन् ।
सरकारले चैत १२ गते मन्त्रिपरिषद्को निर्णयबाट कुलमानलाई विद्युत् प्राधिकरणको कार्यकारी निर्देशकबाट हटाएर हितेन्द्रलाई नियुक्त गर्ने निर्णय गरेको थियो ।
त्यसका विरुद्ध कुलमानले चैत १४ गते रिट दायर गरी आफूलाई पदमुक्त गर्ने मन्त्रिपरिषद्को निर्णय, आफूलाई दिएको अवकाशको पत्र र हितेन्द्रको नियुक्तिसम्बन्धी निर्णय र पत्र बदरसहित तत्काललाई अन्तरिम आदेश माग गरेका छन् ।
त्यसैदिन कार्यकारी निर्देशकमा काम थालेका हितेन्द्रले पनि आफूलाई गैरकानुनीरूपमा हटाएर विगतमा कुलमानले लिएको नियुक्ति अवैधानिक भएकाले आफ्नो पुनर्नियुक्तका विषयमा कानुनी प्रश्न उठाउने अधिकार उनलाई नभएको भन्दै रिट दायर गरेका थिए ।
तपाईको प्रतिक्रिया दिनुहोस