राजावादीहरूको हिंसात्मक प्रदर्शनमा संलग्न २० जना प्रहरी नियन्त्रणमा (नामावलीसहित)
.png)
काठमाडौं । राजावादीहरूको हिंसात्मक प्रदर्शनमा संलग्न २० जनालाई प्रहरीले नियन्त्रणमा लिएको छ ।
उक्त हिंसात्मक प्रदर्शनमा अपराधजन्य घटनामा संलग्न भएको आरोपमा उनीहरूलाई जिल्ला प्रहरी परिसर काठमाडौंको टोलीले नियन्त्रणमा लिएको हो ।
प्रहरीले कुमार बस्नेत, अनिकलकुमार थापा, तारानाथ बोहरा, देवेन्द्रप्रसाद श्रेष्ठ, लोकबहादुर बस्नेत, आशिक राई, दानबहादुर राई, बिजु नेपाल, उमेश तामाङ, भानुभक्त पौडेल, सरिता केसी, सीतादेवी राई, रवि रञ्जन कुमार सिंहलाई नियन्त्रणमा लिएको छ ।
त्यस्तै आशिककुमार महतो, प्रेमकुमार सिंह, राधेश्याम यादव, वरण यादव, योविन्द राय, लक्ष्मी सुनार र विष्णुजंग बस्नेत पनि प्रहरी नियन्त्रणमै छन् ।
उनीहरूलाई आज (सोमबार) म्याद थपका लागि काठमाडौं जिल्ला अदालत उपस्थित गराइँदैछ ।
यसअघि राप्रपाका वरिष्ठ उपाध्यक्ष रवीन्द्र मिश्र, महामन्त्री धवलशमशेर राणासहित ४१ जनालाई म्याद थप गरेर अनुसन्धान गरिरहेको छ ।
राजावादीहरूले काठमाडौंको तीनकुनेमा यहीँ चैत १५ गते जनआन्दोलन भन्दै हिंसात्मक प्रदर्शन गरेका थिए ।
तपाईको प्रतिक्रिया दिनुहोस