तीनकुने घटनाको प्रतिरक्षा गर्दै राजेन्द्र लिङ्देनले गणतन्त्रवादीलाई भने– तपाईंहरू दूधले नुहाएर आएको हो ?
काठमाडौं ( राप्रपा अध्यक्ष राजेन्द्र लिङ्देनले कथा र शब्दजालले अब मानिस नपत्याउने बताएका छन् ।
उनले युवापुस्ता यो व्यवस्थाप्रति सचेत र परिचित रहेको बताएका छन् । उनले अब युवापुस्ताले गणतन्त्र उल्ट्याउने बताए ।
प्रतिनिधिसभामा बोल्दै उनले गणतन्त्रको नाममा लूट मच्चाइएको भन्दै यो अब युवापुस्ताले नमान्ने बताए । उनले उड्ने प्लेनदेखि बस्ने प्लेन ठाउँसम्म कमिसन खाएको र भ्रष्टाचार गरेको कतै नछिपेको बताए।
उनले नेपाली युवालाई नक्कली भुटानी बनाएर बेच्ने पनि यही व्यवस्थाका पक्षपातीहरूबाट भएको बताए । उनले राजा हटेपछि नारायणहिटीमा कसले व्यापार सुरू गर्यो ? जगजाहेर रहेको भन्दै प्रश्न गरे ।
उनले गणतन्त्रवादीहरू दूधले नुहाएर हाएको हो ? भन्दै प्रश्न गरे । उनीहरूले हत्याहिंसा गरेको कतै नछिपेको बताए ।
उनले चैत १५ गते छतमाथि बसेर गोली र म्याद सकिएको अश्रुग्यास हानिएको बताए । उनले यो घटनामा राज्य जिम्मेवार रहेको भन्दै विश्व समुदाय र मानव अधिकार जमातको ध्यानाकर्षण गराए । उनले न्यायिक छानबिनको माग गरे ।
तपाईको प्रतिक्रिया दिनुहोस