काठमाडौं । चार दल सम्मिलित समाजवादी मोचाले काठमाडौंमा भव्य विरोध प्रदर्शन गर्ने भएको छ । 

भोलि (शुक्रबार) सरकारले गरेका गलत काम र राजावादीहरूको गतिविधिविरुद्ध प्रदर्शन गर्न लागेको समाजवादी मोर्चाका संयोजक नेत्रविक्रम चन्द ‘विप्लव’ले जानकारी दिए । 

उनका अनुसार पछिल्लो समय प्रधानमन्त्री केपी शर्मा ओली नेतृत्वको कांग्रेस–एमाले लगायतका केही साना तथा मधेसी दलहरूको साझा गठबन्धन सरकारले गरेका गलत कार्य र राजावादीहरूको गतिविधिविरुद्ध मोर्चाले काठमाडौंमा भव्य प्रदर्शन गर्नेछ ।

संघीय लोकतान्त्रिक गणतन्त्रको रक्षाका लागि यो सांकेतिक तर भव्य विरोध प्रदर्शन हुने मोर्चाको दाबी छ । प्रदर्शनका लागि देशैभरबाट गणतन्त्र समर्थकहरू काठमाडौं पुग्ने मोर्चाले बताएको छ । 

यसका साथै समाजवादी मोर्चाले गणतन्त्र समर्थकहरूलाई प्रदर्शनमा सहभागी हुन अपील गरेको छ । 

उता राजावादीहरूले पनि भोलि नै काठमाडौंमा राजसंस्था पुनस्र्थापित र हिन्दुराज्य कायम गर्न गणतन्त्रविरुद्ध प्रदर्शन गर्दैछ । 

प्रदर्शनका लागि समाजवादी मोर्चाले प्रयोग रुटहरू :