काठमाडौं । नेपाल विद्युत् प्राधिकरणको कार्यकारी निर्देशकबाट बर्खास्त भएका कुलमान घिसिङ सर्वोच्च अदालत पुगेका छन् ।
उनले आफूलाई गैरकानुनी रूपमा पदबाट बर्खास्त गरेको भन्दै सर्वोच्च पुगेका हुन् ।
सोमबार मन्त्रिपरिषद् बैठकले गरेको निर्णय बदर गरी आफूलाई कार्यकारी निर्देशकमा पुनर्वहाली गर्न उनले माग गरेका छन् ।
निवेदनमा नेपाल सरकार, ऊर्जा मन्त्रालय, नेपाल विद्युत् प्राधिकरणका नवनियुक्त कार्यकारी निर्देशक हितेन्द्रदेव शाक्य लगायतलाई विपक्षी बनाएका छन् ।
गल्ती, त्रुटी नगरेको अवस्थामा पनि सरकारले बदनियतका साथ आफूलाई स्पष्टीकरण सोधेको र गलत ढंगले पदमुक्त गरेको रिट निवेदनमा जिकिर गरेका छन् ।
कुलमानले आफ्ना प्रतिनिधिमार्फत बेलुकी ५ बजे सर्वोच्चमा रिट निवेदन पेस गरेका छन् ।
तपाईको प्रतिक्रिया दिनुहोस