काठमाडौंका मुख्य क्याम्पसमै स्ववियु निर्वाचन स्थगित, ४५ आंगिक क्याम्पसमा मतदान जारी
२०८१ चैत्र ५, मंगलबार ११:०० मा प्रकाशित
काठमाडौं । त्रिभुवन विश्वविद्यालय अन्तर्गत ४५ वटा आंगिक क्याम्पसमा स्ववियु निर्वाचनको मतदान जारी छ ।
त्रिविका शिक्षाध्यक्ष प्राडा खड्ग केसीका अनुसार डोटीदेखि झापासम्म र मधेसमा पनि शान्तिपूर्ण मतदान भइरहेको छ । अहिलेसम्म ४५ वटा आंगिक क्याम्पसमा चुनाव भइरहेको छ ।
काठमडौंका थापाथली, पुल्चोक, मिनभवन, महाराजगन्ज, आयुर्वेद क्याम्पस, भक्तपुर बहुमुखी क्याम्पस लगायतमा मतदान भइरहेको छ ।
काठमाडौंका मुख्य क्याम्पसमा चुनाव स्थगित भएको छ । रत्नराज्य क्याम्पसमा तयारी पूरा भएपछि अनेरास्ववियुको तालाबन्दीले चुनाव रोकिएको छ ।
शिक्षाध्यक्ष केसीका अनुसार त्रिचन्द्र क्याम्पस, पद्मकन्या, विश्वभाषा, अस्कल, ल क्याम्पस, सरस्वती क्याम्पस, पब्लिक युथ क्याम्पस र शंकरदेव क्याम्पसमा चुनाव रोकिएको छ ।
तपाईको प्रतिक्रिया दिनुहोस