देशभर लागूऔषधसहित १२ जना पक्राउ

देशका विभिन्न स्थानबाट अवैध लागूऔषधसहित १२ जना पक्राउ परेका छन् ।
पोखरा महानगरपालिका–३२ मजुवाबाट ४ किलोग्राम गाँजासहित सप्तरीका २५ वर्षीय दिपेश चौधरी पक्राउ परेका छन् । उनी काठमाडौँबाट स्याङ्जातर्फ जाँदै गर्दा हाइस गाडीबाट पक्राउ परेका हुन् ।
कपिलवस्तुको कृष्णनगर नगरपालिका–२ यात्रुगेटबाट १४ किलो ७ सय ७४ ग्राम गाँजासहित ३ जना पक्राउ परेका छन् । पक्राउ पर्नेहरूमा शिवराजका ६६ वर्षीय शुकलाल घर्ती, रोल्पाकी ४९ वर्षीया प्रेमसरि रोका र रुकुम पूर्वकी २६ वर्षीया सरिता पुन छन् ।
काठमाडौँको बुढानिलकण्ठ नगरपालिका–१ तौलुङबाट ५१ वर्षीया सुकुमाया तामाङ ४ किलो गाँजासहित पक्राउ परेकी छन् ।
रूपन्देहीको सैनामैना नगरपालिका–१ रानिबगिया चोकबाट ५९० मिलिग्राम ब्राउनसुगर र नगद २३ हजार ५६० रुपैयाँसहित मोहन राम्जाली पक्राउ परेका छन् ।
कैलालीको धनगढी र टीकापुरबाट खैरो हेरोइनसहित ४ जना पक्राउ परेका छन् । धनगढीबाट १ सय ८० मिलिग्राम हेरोइनसहित अर्जुन कडायत र सन्तोष घिमिरे पक्राउ परे भने टीकापुरबाट २ ग्राम ८९० मिलिग्राम हेरोइन, नगद ९ हजार ३५० रुपैयाँ र २ थान मोबाइलसहित अजय चौधरी र सुरेश धामी पक्राउ परेका हुन् ।
सुनसरीको धरान उपमहानगरपालिका–१७ सिमी चोकबाट ९ सय ५ ट्याब्लेट ट्रामाडोल र ९ सय ६ ट्याब्लेट स्पास्मोेनसहित योगेन राई र खेम यादव पक्राउ परेका छन् ।
सर्वसाधारणमा लागूऔषध दुव्र्यसन रोक्न प्रहरीले निगरानी कडा बनाएको जनाएको छ ।
तपाईको प्रतिक्रिया दिनुहोस