Techie IT
२०८१ चैत्र २४, आइतबार

देशभर आगलागीका घटना: करिब ५२ लाखभन्दा बढीको क्षति


देशका विभिन्न स्थानमा भएको आगलागीका घटनामा करिब ५२ लाखभन्दा बढीको धनमाल नष्ट भएको छ ।

पाल्पाको रैनादेबी छहरा गाउँपालिका–३ मान्द्रेघाटमा पदम बहादुर कुमालको गोठबाट सुरु भएको आगोले चार घर र गोठ जलेर नष्ट भएको छ। क्षतिको विवरण खुलेको छैन ।

सुनसरीको कोशी गाउँपालिका–४ जुद्दगंजमा महबुव आलमको कुखुरा फर्ममा विद्युत सर्ट भई आगलागी हुँदा करिब ४ लाख रुपैयाँ बराबरको क्षति पुगेको छ ।

पर्साको बिन्दवासनी गाउँपालिका–३ झैवागुठिस्थित युबराज एकीकृत कृषि कुखुरा फर्ममा विद्युत सर्ट भएर लागेको आगो फैलिएर तीनवटा फर्म जलेर करिब ४१ लाख ८५ हजार रुपैयाँको क्षति भएको छ ।

झापाको अर्जुनधारा नगरपालिका–९ यलम्बर चोकमा मदन बस्नेतको किराना पसलमा आगलागी हुँदा पसलसहित सरसमान जलेर करिब ६ लाख रुपैयाँ बराबरको क्षति पुगेको छ ।

बागलुङको बडीगाड गाउँपालिका–५ खौलारामा धनेश्वर आचार्यको घरमा आइतबार बिहान आगलागी भएको छ। क्षतिको विवरण खुल्न बाँकी छ ।

प्रहरीले स्थानीय बासिन्दा र दमकलको सहयोगमा आगो नियन्त्रणमा ल्याएको जनाएको छ। घटनाबारे थप अनुसन्धान जारी छ ।



तपाईको प्रतिक्रिया दिनुहोस



सम्बन्धित खवर

Techie IT
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
ताजा अपडेट