सभामुख देवराज घिमिरेले प्रमुख दलका सचेतकलाई छलफलका लागि बैठकमा बोलाएका छन्। प्रतिनिधि सभाको बैठकमा प्रमुख प्रतिपक्षी दल नेकपा (माओवादी केन्द्र)ले जारी राखेको अवरोध हटाउने विषयमा छलफल गर्न सभामुख घिमिरेले आइतबार बिहान ११ बजेका लागि बैठक बोलाएका हुन्।

सभामुखले नेपाली कांग्रेस, नेकपा (एमाले), नेकपा (माओवादी केन्द्र), राष्ट्रिय स्वतन्त्र पार्टी, र राष्ट्रिय प्रजातन्त्र पार्टीका प्रमुख सचेतकलाई बैठकमा आमन्त्रित गरेका छन्, भनी उनका निजी सचिवालयले जानकारी दिएको छ।

 

संसदको अवरोधसँग सम्बन्धित समस्यामा, सभामुख घिमिरेले भदौ २६ गतेको बैठकमा नेकपा (एमाले)का सांसद योगेशकुमार भट्टराईले भदौ १२ गतेको प्रतिनिधि सभा बैठकमा प्रयोग गरेको ‘हिंसा’ शब्द हटाउन नेकपा (माओवादी केन्द्र)का प्रमुख सचेतक हितराज पाण्डेले गरेको नियमापत्तिको निर्णय लिएका थिए। यस निर्णयको विरोध गर्दै संसद अवरोध जारी राखिएको छ, र माओवादीले उक्त शब्द संशोधन नगरेसम्म बैठकमा अवरोध जारी राख्ने निर्णय गरिसकेको छ।

२५ गते, नेकपा (माओवादी केन्द्र)का प्रमुख सचेतक हितराज पाण्डेले दलका नियमापत्तिको निर्णय सुनाउन अन्तिम अल्टिमेटम दिएपछि सभामुखले निर्णय सुनाएका थिए।

सभामुखले ‘हिंसा’ शब्दको विषयमा दलहरूबीच साझा धारणा बनाउन, सुझाव दिन र निर्णय गर्न कार्यव्यवस्था परामर्श समितिको भदौ १८ गतेको बैठकमा व्यापक छलफल गरेका थिए। त्यहाँ पनि सत्ता पक्ष र विपक्षका दलहरूले आफ्ना तर्क प्रस्तुत गरेका थिए।

प्रतिनिधि सभाको बैठक आइतबार दिउँसो १ बजेका लागि आह्वान गरिएको छ।