सवारी दुर्घटनामा दुई जनाको मृत्यु

धनुषा, गणेशमान चारनाथ नगरपालिका-१ बिरेन्द्र बजारस्थित सडकमा स.१ च १७८१ नम्बरको रथगाडीले प्रदेश २-०२-००२ प ८९०४ नम्बरको मोटरसाइकललाई सोमबार बेलुकी ठक्कर दिँदा मोटरसाइकल चालक सोही नगरपालिका-२ बस्ने २५ वर्षीय शिवकुमार पासवानको मृत्यु भएको छ । दुर्घटनामा गम्भीर घाइते भएका उनलाई प्रादेशिक अस्पताल जनकपुरमा उपचारको क्रममा मृत घोषणा गरिएको हो। रथगाडी चालकलाई प्रहरीले नियन्त्रणमा लिएको छ ।
सुनसरीमा साइकलको ठक्करबाट वृद्धको मृत्यु
सुनसरी, गढी गाउँपालिका-४ छिटाहा बजारस्थित सडकमा साइकलको ठक्करबाट सोही गाउँपालिका-२ औराबनीस्थित कुटीमा बस्ने ६६ वर्षीय फुल सिंङ (बाबाजी)को सोमबार राति मृत्यु भएको छ । ठक्करबाट गम्भीर घाइते भएका उनलाई बिराट नर्सिङ होम, मोरङमा उपचारको क्रममा मृत घोषणा गरिएको हो । साइकल चालकलाई पनि प्रहरीले नियन्त्रणमा लिएको छ ।
तपाईको प्रतिक्रिया दिनुहोस