उद्योग, वाणिज्य तथा आपूर्तिमन्त्री दामोदर भण्डारीले मुलुकको पर्यटन क्षेत्रको समग्र विकासमा होटल पूर्वाधारको महत्वपूर्ण भूमिका रहेको बताएका छन्। 

क्यापिटल नेपाल बिजनेस म्यागेजिनद्वारा आयोजित होटेलियर समिटको उद्घाटन गर्दै उनले पर्यटकीय पूर्वाधारको विकास र विस्तार, र स्थानीय उत्पादनलाई पर्यटन उत्पादनको रूपमा प्रवर्द्धन गर्नुपर्ने कुरामा जोड दिए। 

मन्त्री भण्डारीले नीतिगत सुधार गरेर लगानीमैत्री वातावरण सिर्जना गर्न सरकार प्रतिबद्ध रहेको बताउँदै, "समस्याको पहिचान, समन्वय, र सहकार्य गरेर चुनौतीलाई सम्भावनामा बदल्न आवश्यक छ," भने। 

उद्योगमन्त्री भण्डारीले पर्यटन क्षेत्रमा लगानी बढाउन बैंक र वित्तीय संस्थालाई आह्वान गर्दै, "सरकार, निजी क्षेत्र र वित्तीय क्षेत्रबीच विश्वासिलो वातावरण आजको आवश्यकता हो," भने। 

मन्त्री भण्डारीले नेपालको पर्यटन क्षेत्रमा होटल व्यवसायको योगदान बढाउन अन्तर्राष्ट्रिय उडानहरू र विमानस्थलको स्तरोन्नति गर्नुपर्ने कुरामा जोड दिए। "पर्यटकीय पूर्वाधारको विकास र विस्तार, र स्थानीय उत्पादनलाई पर्यटकीय उपजको रूपमा प्रवर्द्धन गर्नुपर्नेछ," उनले भने। 

"समृद्ध नेपाल, सुखी नेपाली" को लक्ष्यलाई पूरा गर्न सरकार पर्यटन व्यवसायीसँग सहकार्य गर्न तयार र प्रतिबद्ध रहेको उनले बताए।

नेपाल राष्ट्र बैंकका गभर्नर महाप्रसाद अधिकारीले मुलुकको अर्थतन्त्र सकारात्मक दिशामा अगाडि बढेको र पर्यटनको महत्वपूर्ण भूमिका रहेको बताएका छन्। तारे होटलहरूको संख्या वृद्धि हुँदा पर्यटन पूर्वाधारको विकास र प्रवर्धनमा योगदान मिलिरहेको उनले बताए। 

सांसद र उद्योगपति विनोदकुमार चौधरीले नेपालमा अन्तर्राष्ट्रिय चेन होटलको आगमनले पर्यटनमा विश्वको ध्यान आकर्षित गरेको धारणा राखे।