काठमाडौं । संघीय संसद्अन्तर्गत प्रतिनिधिसभा बैठक बस्दैछ । बैठक काठमाडौं नयाँबानेश्वरस्थित संघीय संसद् भवनमा बस्नेछ । 

आज (शुक्रबार)को बैठकमा केही विधेयक तथा प्रतिवेदन संसद्मा पेस गर्ने कार्यसूची रहेको संघीय संसद्का महासचिव पद्मप्रसाद पाण्डेले जानकारी दिए । 

उनका अनुसार उद्योग तथा वाणिज्य र श्रम तथा उपभोक्ता हित समितिका सभापति अब्दुल खानले ‘विद्युतीय व्यापार विधेयकसम्बन्धी समितिको प्रतिवेदन–२०८१’ संसद्मा पेस गर्नेछन् । 

त्यस्तै कानुन, न्याय तथा संसदीय मामिलामन्त्री अजय कुमार चौरसियाले कानून, न्याय तथा मानव अधिकार समितिको प्रतिवेदनसहितको विधायन विधेयक–२०८० माथि छलफल गरियोस् भनि प्रस्ताव प्रस्तुत गर्नेछन् । 

त्यसलगत्तै विधायन विधेयक–२०८१ लाई पारित गरियोस् भनी प्रस्ताव प्रस्तुत गर्ने कार्यसूची रहेको छ । 

श्रम, रोजगार तथा सामाजिक सुरक्षा मन्त्री शरतसिंह भण्डारीले अन्तर्राष्ट्रिय श्रम संगठनको अन्तर्राष्ट्रिय श्रम सम्मेलनले स्वीकृत गरेका नयाँ अन्तर्राष्ट्रिय श्रम मापदण्डहरूको

संयन्त्रहरू (महासन्धि, प्रोटोकल र सिफारिस)सम्बन्धी प्रतिवेदन संसद्मा पेस गर्ने कार्यसूची रहेको छ ।

प्रतिनिधिसभा बैठक दिउँसो १ बजे बस्नेछ । 

हेर्नुहोस् कार्यसूची :