नेपाल प्रहरी अन्तर्गतको भर्ना छनौट शाखाले जनपद प्रहरी समूहतर्फ रिक्त रहेका पदहरूमा खुला प्रतियोगिताद्वारा समावेशी प्रावधान अनुसार पदपूर्ति गर्ने भएको छ।

आज जारी गरिएको सूचनामा प्रहरी निरीक्षकका लागि ६४ जना र प्रहरी सहायक निरीक्षक पदमा २५६ जनाको नियुक्ति गरिने जानकारी दिइएको छ। योग्यता पुगेका इच्छुक नेपाली नागरिकहरूले नेपाल प्रहरीको आधिकारिक वेबसाइटमार्फत अनलाइन दरखास्त दिन सक्ने व्यवस्था गरिएको सूचनामा उल्लेख छ।

दरखास्त दिन चाहनेले समावेशी प्रावधान अनुसारको प्रक्रिया पालना गर्दै आवेदन दिनुपर्नेछ।