गण्डकी प्रदेश अधिवेशन आजदेखि सुरु, रैबार प्रेसले प्रत्यक्ष प्रसारण गर्दै
२०८१ माघ २१, सोमबार १३:१५ मा प्रकाशित
काठमाडौं। गण्डकी प्रदेश सभाको सातौँ अधिवेशन आजबाट सुरु हुँदैछ ।
हिउँदे अधिवेशनको पहिलो बैठक सोमबार दिउँसो २ बजे बस्ने तय भएको छ ।
गत माघ ८ गतेको मन्त्रिपरिषद् बैठकको निर्णय अनुसार प्रदेश प्रमुख डिल्लीराज भट्टले बैठक आह्वान गरेपछि आजबाट सुरु हुन लागेको हो ।
आइतबार भएको कार्य व्यवस्था परामर्श समितिले सोमबारको बैठकका कार्यसूची तय गरेको थियो ।
बैठकमा प्रदेश प्रमुखको कार्यालयबाट प्राप्त पत्र पढेर सुनाउने, प्रदेश निजामती ऐन संशोधनका लागि सरकारले जारी गरेको अध्यादेश टेबुल गर्ने र प्रदेश सभा सदस्य विमला गौचनको निधनमा शोक प्रस्ताव पारित गर्ने तय गरिएको छ ।
बैठकको प्रत्यक्ष प्रसारण रैबार प्रेसले गर्नेछ ।
तपाईको प्रतिक्रिया दिनुहोस