Photo: R.Satish BABU / AFP
भारतीय अन्तरिक्ष अनुसन्धान सङ्गठन (इसरो) ले बुधबार बिहान ‘नेभिगेसन स्याटेलाइट एनभीएस–०२’ बोक्ने जियोसिङ्क्रोनस स्याटेलाइट लन्च भेहिकल (जीएसएलभी)–एफ१५ रकेट सफलतापूर्वक प्रक्षेपण गरेको छ।
यो प्रक्षेपण दक्षिण भारतको आन्ध्र प्रदेशस्थित श्रीहरिकोटाबाट बिहान ६ः२३ बजे सम्पन्न भएको हो । एनभीएस–०२ स्याटेलाइटले नेभिगेसन, कृषि, आपतकालीन सेवा र मोबाइल उपकरणहरूको स्थान सेवामा सुधार ल्याउनेछ ।
इसरोले यो प्रक्षेपणसँगै आफ्नो १००औं स्याटेलाइट प्रक्षेपण पूरा गरेको छ। संगठनले श्रीहरिकोटाबाट पहिलो पटक सन् १९७९ को अगस्ट १० मा स्याटेलाइट प्रक्षेपण वाहन (एसएलभी) मार्फत स्याटेलाइट प्रक्षेपण गरेको थियो।
धेरै पढिएका
तपाईको प्रतिक्रिया दिनुहोस