आज विक्रम संवत २०८१ साल माघ ११ गते, शुक्रबार । ईश्वी सन् २०२५ जनवरी २४ तारिख । नेपाल संवत् ११४५ । कालयुक्तनाम संवत्सर । उत्तरायणं । शिशिर ऋतु । श्रीशाके १९४६ । माघ कृष्णपक्ष । काठमाडौंमा सूर्योदय बिहान ०६ बजेर ५६ मिनेट । सूर्यास्त बेलुकी ५ बजेर ३६ मिनेट । आजका लागि ज्योतिष पण्डित जनेश्वर जोशीले तयार पार्नुभएको राशिफलः

आजको राशिफल
मेष (चु, चे, चो, ला, लि, लु, ले, लो, अ)
पढाइमा समय नदिँदा पछि परिने सम्भावना छ । सवारी साधनको प्रयोग गर्दा सतर्क रहनुहोस्, दुर्घटनाको जोखिम छ । व्यापारमा घाटाको सम्भावना भएकाले आर्थिक निर्णयमा ध्यान दिनुहोला । माया प्रेममा समस्या आउनेछ भने परिवारका सदस्यसँग मनमुटाव बढ्न सक्छ ।

वृष (इ, य, ए, ओ, वा, वि, वु, वे, वो)
पढाइमा राम्रो प्रगति हुने समय छ । स्वास्थ्यले साथ दिनेछ र नयाँ कामको उत्साह बढ्नेछ । व्यापार फस्टाउनेछ भने यात्राबाट फाइदा हुने सम्भावना छ । दाम्पत्य जीवन सुमधुर हुनेछ र माया प्रेममा खुशीको अनुभव हुनेछ ।

मिथुन (का, कि, कु, घ, ङ, छ, के, को, हा)
राजनीतिक र सामाजिक प्रभाव कमजोर रहनेछ । खानपानमा ध्यान नदिए स्वास्थ्य बिग्रनेछ । धनसम्पत्तिमा हानि हुने सम्भावना छ, यात्रामा सावधानी अपनाउनुहोला। माया प्रेममा विवाद र अविश्वास बढ्न सक्छ ।

कर्कट (हि, हु, हे, हो, डा, डि, डु, डे, डो)
विलासी खर्च बढ्नेछ तर उपहार प्राप्त हुने दिन छ । शिक्षा र वित्तीय क्षेत्रमा लगानी फाइदाजनक बन्नेछ । करियरमा प्रगति हुनेछ भने बौद्धिक क्षमताको कदर हुनेछ ।

सिंह (मा, मि, मु, मे, मो, टा, टि, टु, टे)
माया प्रेममा सामान्य खटपट आउनेछ । जीवनसाथीको साथ कम मिल्न सक्छ। व्यापारमा लगानी गरे पनि नाफाका लागि मेहनत गर्नुपर्नेछ । पढाइमा ध्यान दिन नसक्दा अन्यसँग प्रतिस्पर्धामा पछि परिनेछ ।

कन्या (टो, पा, पि, पु, ष, ण, ठ, पे, पो)
लामो प्रयास र संघर्षबाट मात्र काम सम्पन्न हुनेछन् । सामाजिक सञ्जाल र प्रविधिको प्रयोगले लाभ हुनेछ। प्रतिष्ठित व्यक्तिहरूसँग विवाद हुने सम्भावना छ, तर विचार प्रष्ट राख्न सकिनेछ ।

तुला (रा, रि, रु, रे, रो, ता, ति, तु, ते)
आफन्त र साथीभाइबाट सुखद समाचार प्राप्त हुनेछ । व्यापारमा सफलता हात लाग्नेछ। माया प्रेममा नजिकिने अवसर मिल्नेछ । पढाइमा ध्यान केन्द्रित हुँदा नतिजा राम्रो हुनेछ ।

वृश्चिक (तो, ना, नि, नु, ने, नो, या, यि, यु)
राजनीति र समाजसेवामा मान्यता प्राप्त हुनेछ । व्यापार फस्टाउनेछ र आर्थिक पक्ष बलियो बन्नेछ । माया प्रेममा भावना साटासाट गर्न सकिनेछ । अध्ययनमा सफलता मिल्नेछ ।

धनु (ये, यो, भा, भि, भु, ध, फा, ढा, भे)
आफन्तसँग विवादको सम्भावना छ । स्वास्थ्यमा समस्या आउन सक्छ। माया प्रेममा धोका पाइने दिन छ । पढाइमा ध्यान नदिँदा पछि परिने जोखिम छ । तर, विदेशी व्यापार फस्टाउने सम्भावना छ ।

मकर (भो, जा, जि, जु, जे, जो, ख, खि, खु, खे, खो, गा, गी)
नयाँ कामको प्रस्ताव आउनेछ । नोकरीमा बढुवा र व्यापारमा नाफा हुने समय छ । सामाजिक क्षेत्रमा प्रशंसा प्राप्त हुनेछ । माया प्रेममा सामीप्यता बढ्नेछ ।

कुम्भ (गु, गे, गो, सा, सि, सु, से, सो, दा)
स्वास्थ्य कमजोर रहनेछ । आर्थिक क्षेत्रमा सजग रहनुहोला । माया प्रेममा विश्वासको कमीले समस्या आउनेछ । पढाइमा ध्यान दिए मात्र सफलता सम्भव छ ।

मीन (दि, दु, थ, झ, ञ, दे, दो, चा, ची)
बौद्धिक क्षमताले सफलता हात पर्नेछ । मनपर्ने वस्त्र वा उपहार प्राप्तिको सम्भावना छ । धार्मिक र सांस्कृतिक कार्यमा ध्यान जानेछ । माया प्रेमलाई विवाहमा परिणत गर्ने सम्भावना रहेको छ ।