काठमाडौं । सहकारी बचत अपचन अभियुक्त रवि लामिछानेका वकिलले बहसै नगरी घर फर्किएका छन् । जिल्ला अदालत रूपन्देहीमा वकिलहरूले रविको पक्षमा बहस नै नगरी घर फर्किएका हुन् । 

सहकारी बचत अपचलन अभियोगमा रास्वपा सभापति रवि लामिछानेविरुद्ध जिल्ला अदालत रुपन्देहीमा छुनछेक बहस चलिरहेको छ । बिहीबार सुप्रिम सहकारी सहकारी प्रकरणमा जाहेरवालाका तर्फबाट बहस भएको छ । उनीहरूको तर्फबाट वरिष्ठ अधिवक्ता दिनेश त्रिपाठीले बहस गरेका छन् । 

बिहीबारै सरकारी वकिलका तर्फबाट पनि बहस भएको छ । सरकारी वकिल कार्यालयका तर्फबाट बहस गरेकाहरूले सुप्रिम सहकारीबाट लगानी भएको ऋणको जिम्मेवार रास्वपा सभापति रवि नै भएको दलिल पेस गरेका छन् ।  ७ जना सरकारी वकिलहरूले बहस गरेका छन् । 

सरकारी वकिल र जाहेरवालाका तर्फबाट बिहीबार बसह सकिएको छ । रविको तर्फबाट बिहीबार वकिलहरूले बहस गर्ने समय पाएनन् । अब उनीहरूले शुक्रबार बहस गर्नेछन् । त्यसपछि सरकारी वकिलले जवाफी बहस गर्नेछन् । 

शुक्रबार सबै बहस सकिए शुक्रबारै आदेश आउने सम्भावना पनि रहेको छ ।