आज विक्रम संवत २०८१ साल माघ ८ गते, मंगलबार । ईश्वी सन् २०२५ जनवरी २१ तारिख । नेपाल संवत् ११४५ । कालयुक्तनाम संवत्सर । काठमाडौंमा सूर्योदय बिहान ०६ बजेर ५७ मिनेट । सूर्यास्त बेलुकी ५ बजेर ३४ मिनेट । दिनमान २६ घडी ३३ पला ।  

रैवारप्रेसका लागि ज्योतिष पण्डित जनेश्वर जोशीले तयार पार्नुभएको आजको राशिफल

मेष (चु, चे, चो, ला, लि, लु, ले, लो, अ)
आज लामो दुरीको व्यवसायिक यात्रा हुनसक्छ, तर खर्चिलो हुनेछ । जीवनसाथीसँग आत्मियताको कमी हुनेछ भने एक्लोपनको महसुस हुने देखिन्छ । साझेदारी व्यवसायमा अविश्वास सिर्जना हुनसक्छ । बिहानको समय अध्ययनका लागि उपयोगी हुनेछ । ऋण, रोग र शत्रुबाट छुटकारा पाइनेछ । मावली पक्षको सहयोगले आत्मबल बढ्नेछ ।

वृष (इ, उ, ए, ओ, वा, वि, वु, वे, वो)
मित्र र आफन्तसँग रमाइलो यात्राको मौका मिल्नेछ । मिठा परिकारहरूको आनन्द लिन सकिनेछ । कानुनी निर्णय तपाईंकै पक्षमा हुनेछ । शत्रुलाई परास्त गर्दै सफलता हात पार्न सकिनेछ । स्वास्थ्य राम्रो हुने र पुराना मुद्दाहरू टुंगिने छन् । व्यापार, शेयर बजार र उद्योगमा लगानीबाट फाइदा हुनेछ ।

मिथुन (का, कि, कु, घ, ङ, छ, के, को, हा)
पति-पत्नीबीच सम्बन्ध सुमधुर रहनेछ । आफन्तको सहयोगले महत्वका काम बन्नेछन् । जागिरमा सामाजिक सम्मान प्राप्त हुनेछ । राजनीति र समाजसेवामा सफल भइनेछ । अध्ययनमा उत्कृष्टता हासिल हुनेछ। वैदेशिक रोजगारीले जीवनस्तर सुधार्न मद्दत गर्नेछ ।

कर्कट (हि, हु, हे, हो, डा, डि, डु, डे, डो)
आमा र आफन्तको सल्लाहले फाइदा पुग्नेछ । कृषि र पशुपालनबाट राम्रो आम्दानी हुनेछ । सामाजिक कामले प्रतिष्ठा बढाउनेछ । तर, अध्ययनमा बाधा आउन सक्छ । राजनीति र समाजसेवामा सन्तुलित व्यवहारले सफलता मिल्नेछ ।

सिंह (मा, मि, मु, मे, मो, टा, टि, टु, टे)
उद्योग र उत्पादन व्यवसायमा लाभ हुनेछ । छोटो दुरीको यात्राबाट लाभ उठाउन सकिनेछ । आफन्तको सहयोगले मन प्रशन्न हुनेछ । प्रेम सम्बन्धमा सफलता मिल्नेछ । व्यापार र शेयर बजारबाट मुनाफा कमाइनेछ ।

कन्या (टो, पा, पि, पु, ष, ण, ठ, पे, पो)
नयाँ व्यवसायमा लगानी गर्ने अनुकूल समय छ । सामाजिक र पारिवारिक सम्बन्ध बलियो हुनेछ । मिठा भोजन र विलासी सामग्रीको आनन्द लिने अवसर प्राप्त हुनेछ। पुराना मित्रसँग भेटघाट हुनेछ ।

तुला (रा, रि, रु, रे, रो, ता, ति, तु, ते)
पढाइमा सुधार हुनेछ । परिवारसँग रमाइलो समय बित्नेछ । राजनीति र समाजसेवामा जनताको समर्थन पाइनेछ । पारिवारिक जमघट हुनेछ ।

वृश्चिक (तो, ना, नि, नु, ने, नो, या, यि, यु)
आजको दिन आर्थिक हिसाबले सतर्क रहनुहोला । स्वास्थ्यमा समस्या आउन सक्छ । अध्ययनमा ध्यान दिन कठिनाई हुनेछ । तर, काम र यात्रामा नयाँ अवसर पाइने सम्भावना छ ।

धनु (ये, यो, भा, भि, भु, ध, फा, ढा, भे)
खाद्यान्न, खनिज पदार्थ र शेयर बजारमा लगानी फाइदाजनक हुनेछ । पढाइमा मन लाग्नेछ । माया प्रेममा नजिकिने अवसर प्राप्त हुनेछ । नयाँ काम र अवसरका लागि समय अनुकूल छ ।

मकर (भो, जा, जि, जु, जे, जो, ख, खि, खु, खे, खो, गा, गी)
राजनीति र समाजसेवामा सफलता मिल्नेछ । व्यापारमा फाइदा हुनेछ । कृषि र पशुपालनले राम्रो आम्दानी गर्नेछ । पारिवारिक सहयोग र पैतृक सम्पत्तिको उपयोग गर्न सकिनेछ ।

कुम्भ (गु, गे, गो, सा, सि, सु, से, सो, दा)
धार्मिक कार्य र अध्ययनमा समय बित्नेछ । शेयर बजार र व्यवसायबाट लाभ पाइनेछ । प्रणय सम्बन्धका लागि समय अनुकूल छ । संगीत र कलामा रुचि हुने दिन छ । 

मीन (दि, दु, थ, झ, ञ, दे, दो, चा, ची)
महत्वपूर्ण काम थाती रहने सम्भावना छ । स्वास्थ्यमा समस्या आउन सक्छ । लामो समयको माया प्रेममा समस्या आउन सक्छ । तर, बिहानको समय नयाँ काम र यात्राका लागि अनुकूल हुनेछ ।