आज विक्रम संवत २०८१ साल माघ ४ गते, शुक्रबार । रैवारप्रेसका लागि ज्योतिष पण्डित जनेश्वर जोशीले तयार पार्नुभएको आजको राशिफल 
नेपाल संवत् ११४५, ईश्वी सन् २०२५ जनवरी १७, शिशिर ऋतु
काठमाडौंमा सूर्योदय: बिहान ६:५८
सूर्यास्त: बेलुकी ५:३०
ब्रम्ह मुहुर्त: बिहान ५:२३ देखि ६:११
दिनमान: २६ घडी २३ पला

मेष (चु, चे, चो, ला, लि, लु, ले, लो, अ)
सामाजिक काममा दिन बित्नेछ। व्यापारमा लगानीबाट राम्रो आम्दानी हुनेछ। पढाइमा प्रगति हुनेछ। लामो समयदेखिको प्रेम विवाहमा परिणत हुने संकेत छ। शुभकार्यमा सहभागी भई स्वादिष्ट भोजनको अवसर प्राप्त हुनेछ।

वृष (इ, ऊ, ए, ओ, वा, वि, वु, वे, वो)
मांगलिक कार्यक्रममा सहभागिता र रमाइलो यात्राको अवसर मिल्नेछ। माया प्रेममा नजिक हुने समय छ। खाद्यान्न र औषधिजन्य व्यापारमा फाइदा हुनेछ। राजनीति र सामाजिक क्षेत्रमा सहयोग पाइनेछ।

मिथुन (का, कि, कु, घ, ङ, छ, के, को, हा)
छोटो यात्रा सम्भावना छ, तर अति उत्साहले नराम्रो असर गर्न सक्छ। प्रेममा विवाद भए पनि समाधान हुनेछ। गलत बुझाइले साख गुम्न सक्ने हुँदा सतर्क रहनुहोस्।

कर्कट (हि, हु, हे, हो, डा, डि, डु, डे, डो)
प्रतिष्ठित कामको अवसर आउनेछ। कुटुम्बसँग मिलेर व्यापार गर्दा आर्थिक सुधार हुनेछ। प्रेम सम्बन्धमा खुशीको समय छ। खानपान र मनोरञ्जनमा दिन बित्नेछ।

सिंह (मा, मि, मु, मे, मो, टा, टि, टु, टे)
दोहोरो लाभको अवसर मिल्नेछ। साथीभाइको सहयोगले विशेष योजना बन्नेछ। प्रेम सम्बन्धमा सकारात्मकता आउनेछ। मांगलिक समारोहमा सहभागी भई रमाइलो हुनेछ।

कन्या (टो, पा, पि, पु, ष, ण, ठ, पे, पो)
विदेश व्यापारमा सफलता पाउनुहुनेछ। अध्ययनमा प्रगति हुनेछ। ऋण र रोगबाट मुक्ति पाइने समय छ। प्रविधिको प्रयोगबाट थप ज्ञान आर्जन गर्न सकिनेछ।

तुला (रा, रि, रु, रे, रो, ता, ति, तु, ते)
इच्छा पूरा गर्न समय लाग्न सक्छ। परिवारसँग सामान्य विवाद हुने योग छ। खाद्यान्न र गरगहना व्यापारमा फाइदा हुनेछ। मनोरञ्जनमा दिन बित्नेछ।

वृश्चिक (तो, ना, नि, नु, ने, नो, या, यि, यु)
सामाजिक विवाद हुने संकेत छ। कार्यक्षेत्रमा खुट्टा तान्नेहरूबाट सतर्क रहनुहोस्। प्रेमलाई घरजममा परिणत गर्न सकिनेछ। खानपान र भेटघाटमा दिन बित्नेछ।

धनु (ये, यो, भा, भि, भु, ध, फा, ढा, भे)
धार्मिक र शैक्षिक यात्राको योग छ। पूजा सामग्रीको व्यापारमा फाइदा हुनेछ। नयाँ कामको अवसर प्राप्त हुनेछ। नोकरीमा बढुवा वा स्थानान्तरण हुने सम्भावना छ।

मकर (भो, जा, जि, जु, जे, जो, ख, खि, खु, खे, खो)
आफन्तको सहयोगले फाइदा हुनेछ। प्रेम सम्बन्धमा प्रगति हुनेछ। कर्मफल अनुकूल हुनेछ। नसोचेको धन प्राप्तिको योग छ। मनोरञ्जन र भेटघाटमा समय बित्नेछ।

कुम्भ (गु, गे, गो, सा, सी, सु, से, सो, दा)
व्यापार व्यवसायमा लाभ मिल्नेछ। नयाँ काम सुरु गर्न अनुकूल समय छ। प्रेममा सफलता पाइनेछ। विलासी वस्तुको प्रयोगले मन रमाउनेछ।

मीन (दि, दु, थ, झ, ञ, दे, दो, चा, ची)
स्वास्थ्यमा समस्या देखिने संकेत छ। विवाद र खर्चले सताउनेछ। न्यायिक निर्णयमा चुनौती आउन सक्छ। तर, मांगलिक कार्यक्रममा सहभागी भई मन प्रशन्न हुनेछ।

दिन शुभ बनाउन ध्यान, सकारात्मक सोच र स्वास्थ्यको ख्याल गर्नुहोस् ।