काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेका वकिलहरूको बहस जारी छ । उनीहरूले रविको पक्षमा आज (बुधबार) बिहान ११ बजेबाट थुनछेक बहस सुरु गरेका हुन् । 

सोमबार रविविरुद्ध सरकार र जाहेरवालाका तर्फबाट वकिलहरूले बहस गरेका थिए । आज रवि पक्षमा वरिष्ठ अधिवक्ताहरू सुशिल पन्त र रमण श्रेष्ठले बहस गरिरहेका छन् । 

उनीहरूले रविलाई छाड्नुपर्ने तर्क पेस गर्दै इजलासमा बहस गरिरहेका छन् । जिल्ला अदालत कास्कीको आदेशपछि धरौटीमा रिहा भएका लामिछाने गत आइतबार आफैँ अदालतमा उपस्थित भएका थिए ।

उनीविरुद्ध काठमाडौंको कालीमाटीस्थित स्वर्णलक्ष्मी सहकारीको बचत अपचलन गरेको आरोपमा अभियोजन दायर भएको छ ।