आज विक्रम संवत २०८१ साल, माघ १ गते, मंगलबार । ईश्वी सन् २०२५ जनवरी १४ तारिख । नेपाल संवत् ११४५ । कालयुक्तनाम संवत्सर । उत्तरायणं । शिशिर ऋतु । काठमाडौंमा सूर्योदय बिहान ०६ बजेर ५८ मिनेट । सूर्यास्त बेलुकी ५ बजेर २८ मिनेट । आज माघ संक्रान्ति। उत्तरायण शुरु । माघीपर्व (थारु, मगर, छन्त्यालादिको पर्व) । महा प्रायगमा १२ बर्षे स्नान मेला सुरु । रैवारप्रेसका लागि ज्योतिष पण्डित जनेश्वर जोशीले तयार पार्नुभएको आजको राशिफल

मेष (चु,चे,चो,ला,लि,लु,ले,लो,अ)
आजको दिन आम्दानीको दृष्टिले राम्रो रहनेछ । कृषि तथा पशुपालन व्यवसायमा समय लगानी गर्दा लाभदायक हुने संकेत छ । तर, इज्जतमा दाग लाग्ने र कानुनी झमेलामा पर्ने जोखिम रहेकोले सचेत रहनुहोला । स्वास्थ्यमा छातीसम्बन्धी समस्या आउन सक्छ । खर्च बढ्नसक्छ, उत्तरतर्फ यात्रा नगर्नु राम्रो हुनेछ । मनोरञ्जन, खानपान र घुमफिरमा समय बित्नेछ ।  आफन्तसँग रमाइलो भेटघाट र स्वादिष्ट भोजनको आनन्द मिल्नेछ । विगतको मेहनतले सफलता दिलाउनेछ। आजको शुभ रंग रातो ।

बृष (इ,ऊ,ए,ओ,वा,वि,वु,वे,वो) 
कम बोलेर काम गर्नुपर्छ । गोपनीयता भंग गरेमा समस्या आउन सक्छ। साझेदारी व्यापार र विदेश लगानी लाभदायक हुनेछ । सृजनात्मक कार्यमा समय बित्नेछ । आत्मनिर्भर भएर अगाडि बढ्न सकिनेछ। परिवारको साथले विशिष्ट कार्य सम्पन्न हुनेछ। आर्थिक पक्ष सबल रहन्छ। शुभ रंग: निलो ।

मिथुन (का,कि,कु,घ,ङ,छ,के,को,हा) 
धनलक्ष्मी योगले आम्दानी बढ्नेछ । सम्पत्तिको सदुपयोगले नाफा हुनेछ। धार्मिक व्यक्तिसँगको भेटले मन शान्त बनाउनेछ। शिक्षामा गरेको लगानी फाइदाजनक हुनेछ। परिवारमा खटपटको सम्भावना रहेकाले संयम अपनाउनुहोस् । कार्यक्षेत्रमा प्रभाव बढ्नेछ। विद्यार्थीहरूलाई नयाँ ज्ञान प्राप्त हुनेछ। स्वास्थ्यमा सुधार आउनेछ। शुभ रंग: हरियो ।

कर्कट (हि,हु,हे,हो,डा,डी,डु,डे,डो) 
दिन सकारात्मक छ। चन्द्रमाको प्रभावले मन शान्त रहनेछ । सम्पत्तिका विषयमा सचेत हुनुहोस्। राजनीतिक क्षेत्रमा अवसर मिल्नेछ । नयाँ काम सुरु गर्ने समय राम्रो छ। मान प्रतिष्ठामा वृद्धि हुनेछ । टाढाका आफन्तसँगको भेटले मन प्रसन्न हुनेछ। शुभ रंग: सेतो ।

सिंह (मा,मि,मृु,मे,मो,टा,टी,टु,टे) 
सञ्चित धन खर्च हुनेछ । पश्चिमतर्फको यात्रा टार्नुहोला । स्वास्थ्यमा सुधार आउनेछ ।  प्रेम सम्बन्ध सुमधुर बन्नेछ। वैदेशिक रोजगारबाट लाभ हुनेछ । गोप्य कुराहरू साझा नगर्नुहोस् । मौसमी बिमारीबाट जोगिनुहोस् । शुभ रंग: खैरो ।

कन्या (टो,पा,पि,पु,ष,ण,ठ,पे,पो) 
आफ्नै काममा सन्तुष्टि मिल्नेछ । घरपरिवारसँग रमाइलो यात्रा हुनेछ । प्रेम सम्बन्ध सुमधुर हुनेछ । शेयर मार्केटबाट फाइदा हुनेछ । उद्योग व्यवसायबाट नयाँ आयआर्जन हुनेछ । नयाँ काम सुरु गर्दा विशिष्ट व्यक्तिको सहयोग लिनुहोस्। शुभ रंग: गुलाबी ।

तुला (रा,री,रु,रे,रो,ता,ति,तु,ते) 
शिक्षामा सफलता मिल्नेछ। मेहनतको खाँचो छ । खानपानमा ध्यान दिनुहोला, रोगले सताउन सक्छ । सकारात्मक ऊर्जाले काममा उत्साह थपिनेछ। कार्यक्षेत्रमा नयाँ अवसर प्राप्त हुनेछ । प्रेम सम्बन्ध सुमधुर रहनेछ। शुभ रंग: गुलाबी ।

बृश्चिक (तो,ना,नि,नु,ने,नो,या,यी,यू) 
कम बोलेर काम गर्नुपर्छ। गोपनीयता भंग गरेमा समस्या आउन सक्छ । साझेदारी व्यापार र विदेश लगानी लाभदायक हुनेछ । सृजनात्मक कार्यमा समय बित्नेछ । आत्मनिर्भर भएर अगाडि बढ्न सकिनेछ। परिवारको साथले विशिष्ट कार्य सम्पन्न हुनेछ। आर्थिक पक्ष सबल रहन्छ। शुभ रंग: निलो ।

धनु (ये,यो,भा,भि,भू,ध,फा,ढा,भे) 
बोलिमा सावधानी अपनाउनुहोस् । रमाइलोमा गलत शब्द प्रयोगले समस्या ल्याउन सक्छ । स्वास्थ्यमा सुधार आउनेछ । उत्तरतर्फको यात्रा नगर्नुहोस् । महत्वकांक्षी योजना सफल हुनेछ । व्यापारिक यात्राबाट लाभ मिल्नेछ। शुभ रंग: पहेलो ।

मकर (भो,जा,जि,जु,जे,जो,ख,खि,खु,खे,खो,गा,गी) 
लगानीले दीर्घकालीन लाभ दिनेछ । शिक्षामा सफलता मिल्ने योग छ । बिहान पिपलको दर्शनले दिन सहज हुनेछ । आध्यात्मिक र नयाँ काम सुरु गर्न उचित समय छ । स्वास्थ्यमा सन्तुलन राख्नुहोस्। सामाजिक जिम्मेवारी बढ्नेछ। शुभ रंग: रातो ।

कुम्भ (गु,गे,गो,सा,सि,सु,से,सो,दा) 
बौद्धिक सुझाव कार्यान्वयन गर्दा दिन सफल हुनेछ। धार्मिक कार्यमा संलग्न हुनु लाभदायक हुनेछ । पारिवारिक भेटघाटमा रमाइलो हुनेछ । व्यापारमा न्यून लाभ हुनेछ। आलोचना टार्न शान्त रहनुहोस्। शुभ रंग: निलो ।

मीन (दि,दु,थ,झ,ञ,दे,दो,चा,ची)
दुर्घटनाबाट सतर्क रहनुहोस्। धार्मिक व्यक्तिको सुझावले मन शान्त हुनेछ । गणेशको भजनले दिन शुभ हुनेछ । कला र संस्कृतिमा रुचि बढ्नेछ । प्रतिस्पर्धामा सफलता मिल्नेछ। सन्तानको प्रगतिले खुशी मिल्नेछ । शुभ रंग: निलो ।