काठमाडौं । प्रधानमन्त्री तथा नेकपा (एमाले) अध्यक्ष केपी शर्मा ओलीले आफैलाई साधारण र इमानदार मान्छे भएको दाबी गरेका छन् । 

आज (बिहीबार) एमाले निकट विद्यार्थी संगठन अनेरास्ववियुको कार्यशालामा उनले यस्तो दाबी गरेका हुन् । 

उनले भने, ‘एमालेलाई भित्तामा टाँसिदिने रे के । भित्तामा टाँसेपछि फोटो भएन ? एमाले छायाँ बनाउँछु भने । केपी ओली को ? को केपी ओली ? यति पनि बिर्सने भए क्या । यस्तै बिर्सिएको राम्रो । मेमोरी पावरले तिमीहरूको त्यसैगरी काम गरोस्,’ ओलीले भने ।

ओलीले आफूले आफैलाई भने, ‘को केपी ओली भन्ने कुरा म बताउन्नँ । मैले थाहा पाएको भनेको, एउटा साधारण मान्छे हो । इमानदारिताका साथ काम गर्छ ।’