काठमाडौं । स्वतन्त्र विद्यार्थी युनियन (स्ववियु)को कार्यालयमा लगाएको ताला तोड्नेप्रति पाँच विद्यार्थी संगठनले आपत्ति जनाएका छन् । आज (मंगलबार) एक विज्ञप्ति जारी गर्दै ती संगठनले आपत्ति जनाएका हुन् ।

भर्खरै सम्पन्न नेपाल प्रिमियम लिग (एनपिएल)को उद्घाटनमा त्रिवि क्रिकेट मैदानमा स्ववियुले अवैधानिक एवं अपारदर्शी ढंगले सवारी पार्किङ शुल्क असुलेको भन्दै पाँच विद्यार्थी संगठनले संयुक्त विज्ञप्तिमार्फत आपत्ति जनाएका छन् ।

स्ववियुको यस्तो कार्यले विश्वविद्यालय र स्वयं स्ववियुको गरिमामाथि आँच पुर्याएको भन्दै सरोकारवाला र सम्बन्धित पक्षलाई संगठनहरूले ध्यानाकर्षण गराएका छन् ।

विश्वविद्यालयको क्षेत्राधिकारभित्र अमर्यादित र गलत गतिविधिको अनुगमन, नियन्त्रण र अन्त्य गर्न छानविन समितिमार्फत संलग्न पक्ष र व्यक्तिउपर कारवाहीको मागसहित पाँच विद्यार्थी संगठनले विज्ञप्ति सम्बन्धित निकायमा बुझाएका छन् । 

हेर्नुहोस् विज्ञप्ति :