काठमाडौं । पूर्वउपराष्ट्रपति नन्दकिशोर पुन ‘पासाङ’ पुनः नेकपा (माओवादी केन्द्र)मा फर्केका छन् । उनी माओवादी केन्द्रको केन्द्रीय समिति बैठकबाट माओवादीमै फर्केका हुन् ।  

उपराष्ट्रपतिको दोस्रो कार्यकालको समाप्ति पश्चात् पासाङ माओवादीको विभिन्न कार्यक्रममा सक्रियता जनाउँदै आएका थिए । उनको सक्रियताले माओवादी नेताहरूले विरोध जनाउँदै आएका थिए । 

विगत तीन दिनदेखि बसेको केन्द्रीय समिति बैठकमा माओवादीकै सांसद सुदन किरातीले पूर्वराष्ट्रपतिको राजनीतिक सक्रियताले राम्रो सन्देश प्रवाह नभएको बताएका थिए । तर, हिजोको बैठकमा पार्टी सचिव देवेन्द्र पौडेलले पूर्वउपराष्ट्रपति नन्दकिशोर पुनको पार्टी सक्रियतालाई स्वागत गरेका छन् । 

माओवादी केन्द्रको कोटाबाट नन्दकिशोर पुन ‘पासाङ’ दुईपटक उपराष्ट्रपति बनेका थिए ।