काठमाडौं । अत्यन्तै दुर्लभप्राणी सुन गोहोरोसहित दुई जनालाई प्रहरीले पक्राउ गरेको छ । 

आज (सोमबार) बिहान जिल्ला प्रहरी कार्यालय मोरङले सुन गोहोरोसहित दुई जनालाई पक्राउ गरेको जनाएको छ । 

जिल्लाको विराटनगर महानगरपालिका–१३ स्थित कोशी राजमार्गबाट दुर्लभ प्राणी ६ वटा सुन गोहोरोसहित दुई जनालाई प्रहरीले पक्राउ गरेको हो । 

पक्राउ पर्नेहरूमा सुनसरी बर्जु गाउँपालिका–१ बस्ने ५८ वर्षीय बुद्धि ऋषिदेव र ५६ वर्षीय सुरेश ऋषिदेव रहेका छन् । सिआरभी जतुवाबाट खटिएको प्रहरीले भारतबाट विराटनगरतर्फ आउँदै गरेका उनीहरूलाई पक्राउ गरेको छ ।

उनीहरूलाई आवश्यक अनुसन्धान तथा कारवाहीको लागी डिभिजन वन कार्यालय मोरङ पठाइएको छ ।