काठमाडौं । स्वर्णलक्ष्मी सहकारीको बचत अपचलनमा संलग्न कांग्रेस सांसद माया राईलाई उन्मुक्ति दिइएको छ । 

जिल्ला सरकारी वकिल कार्यालयले राईलाई उन्मुक्ति दिएको हो । 

जिल्ला प्रहरी परिसर काठमाडौंले कांग्रेस प्रतिनिधिसभा सांसद माया राईसहित ४४ जनामाथि मुद्दा चलाउन सिफारिस गरेको थियो । 

उनीविरुद्ध सहकारी ठगी र संगठित अपराध कसुरमा काठमाडौं जिल्ला अदालतबाट समेत पक्राउ पुर्जी जारी भएको थियो ।

तर, राईसहित ५ जनालाई उन्मुक्ति दिँदै हिजो (आइतबार) अन्य ३९ जनाविरुद्ध काठमाडौं जिल्ला अदालतमा मुद्दा दायर भएको छ । 

उनीहरूविरुद्ध ६९० बचतकर्ताको १ अर्ब १९ करोड ३० लाख ९० हजार ४९३ रुपैयाँ हिनामिना गरेको आरोप छ । 

राई स्वर्णलक्ष्मी सहकारीको सञ्चालक समितिकी सहसचिव, जनजाती कोटाबाट कांग्रेसको केन्द्रीय सदस्य र प्रतिनिधिसभाकी समानुपातिक सांसद हुन् ।