काठमाडौंका दुई फरक स्थानमा आगलागीका घटना हुँदा विभिन्न धनमाल जलेर नष्ट भएका छन्।

काठमाडौं महानगरपालिका-१ दरबारमार्गस्थित टोखा नगरपालिका-७ बस्ने ३४ वर्षीय अञ्जन भण्डारीको कञ्चनजंगा कफी कम्पनीमा बिहीबार साँझ भएको हो । आगलागीबाट भएको क्षतिको विवरण हालसम्म खुल्न सकेको छैन ।

त्ययसैगरी,  शुक्रबार बिहान काठमाडौं महानगरपालिका-१५ बनस्थली ढुङ्गेधारास्थित ढुङ्गेधारा मिनी मार्केट प्रालिको टहरोमा संचालित तरकारी बजारमा आगलागीका कारण टहर, १ थान मोटरसाइकल जलेर करिब ८ लाख रूपैयाँ बराबरको धनमाल नष्ट भएको प्रहरीले जनाएको छ।

दुबै घटनामा प्रहरी, स्थानीय बासिन्दा तथा दमकलको सहयोगमा आगो नियन्त्रणमा लिइएको छ। आगलागीका कारणबारे अनुसन्धान भइरहेको जनाइएको छ।