देशका विभिन्न स्थानमा मंगलबार र बुधबार ६ जना व्यक्तिहरू मृत अवस्थामा फेला परेका छन्। घटनाको सम्बन्धमा प्रहरीले अनुसन्धान गरिरहेको छ।
१. काठमाडौं, बुढानिलकण्ठ:
दोलखा घर भएका ६६ वर्षीय तिलक बहादुर श्रेष्ठ बुढानिलकण्ठ नगरपालिका-५ टुसालस्थित निर्माणाधीन आफ्नै घरमा मृत अवस्थामा भेटिएका छन् ।
२. कैलाली, गोदावरी:
गोदावरी नगरपालिका-२ तेधरी बस्ने ४६ वर्षीय मनोज भट्ट आफ्नै घरमा मृत अवस्थामा फेला परेका थिए।
३. कास्की, पोखरा:
पोखरा महानगरपालिका-१६ देउराली डाँडा बस्ने ६२ वर्षीय गोबिन्द दमै सोही स्थानको पहिरा वन सामुदायिक जंगल नजिकै मृत अवस्थामा फेला परे ।
४. ललितपुर, धोबीघाट:
बर्दिया घर भएकी १८ वर्षीया सिम्रन थारू ललितपुर महानगरपालिका-४ धोबीघाटस्थित आफ्नै कोठामा मृत अवस्थामा भेटिएकी छन् ।
५. पर्सा, वीरगञ्ज:
नेपाल–भारत सिमानाको मितेरी पुल नजिकै नाम, थर, वतन नखुलेका करिब ६० वर्षीय पुरुष मृत अवस्थामा फेला परेका छन् ।
६. नवलपुर, गैंडाकोट:
भारत, उत्तर प्रदेश घर भएका ३४ वर्षीय सत्री थापा गैंडाकोट नगरपालिका-१७ झहरे खोला डेरास्थित आफ्नै कोठामा मृत अवस्थामा भेटिएका छन् ।
प्रहरीले घटनाको यथार्थ पत्ता लगाउन आवश्यक अनुसन्धान गरिरहेको जानकारी दिएको छ।
तपाईको प्रतिक्रिया दिनुहोस