काठमाडौं । नेपाली सेनाले पाँच साउड हवाई फायर गरेको छ । गैँडाको खाग तस्करलाई नियन्त्रणमा लिन मकवानपुरको हेटौँडा उपमहानगरपालिका–८ मा सेनाले हवाइ फायर गरेको हो । 

आज (बिहीबार) बिहान हवाइ फायर गरेर खाग तस्कर नियन्त्रणमा लिइएको मकवानपुर प्रहरी प्रवक्ता ठाकुरप्रसाद सापकोटाले जानकारी दिए । 

नेपाली सेनाको नयाँ गोरख गण सैनिकले ५ राउन्ड हवाइ फायर गरेको हो । गैंडाको खाग तस्करी हुन लागेको सूचनाका आधारमा पुगेको निकुञ्जले टोलीले तस्करीमा संलग्न व्यक्तिहरू पक्राउ गर्ने क्रममा सेनाले हवाइ फायर गरेको हो ।

घटनास्थलबाट १ जना पक्राउ परेका छन् । उनीसँग खाग रहेको भन्ने सूचना आएको निकुञ्ज स्रोतले जनाएको छ । अप्रेशनका लागि निकुञ्जको टोली बिहान त्यसतर्फ गएको थियो ।