कृषि विकास बैंकले १०.५३ प्रतिशत लाभांश वितरण गर्ने घोषणा
२०८१ पौष ४, बिहीबार १६:०१ मा प्रकाशित
कृषि विकास बैंक लिमिटेडले गत आर्थिक वर्षको मुनाफाबाट शेयरधनीहरुलाई वितरण गर्ने लाभांशको घोषणा गरेको छ। बैंकले हाल कायम चुक्ता पूँजीको १०.५३ प्रतिशत लाभांश वितरण गर्ने घोषणा गरेको हो। यसमा ३ प्रतिशत बोनस र ७.५३ प्रतिशत नगद लाभांश समावेश छ।
पुस ४ गते बसेको बैंकको सञ्चालक समितिको बैठकले सो दरमा लाभांश वितरण गर्ने निर्णय गरेको हो। यसका साथै, बैठकले हाल कायम भएको फिर्ता नहुने अग्राधिकार शेयर पूँजीमा ६ प्रतिशत नगद लाभांश वितरण गर्ने निर्णय पनि गरेको छ।
नेपाल राष्ट्र बैंकबाट स्वीकृत भइ आगामी वार्षिक साधारण सभाले पारित गरेपछि उक्त लाभांश वितरण गरिने बैंकले जनाएको छ।
तपाईको प्रतिक्रिया दिनुहोस