धनकुटा, रूकुम पश्चिम, र गुल्मीमा सोमबार तीनजनाको शव विभिन्न स्थानमा फेला परेको छ।
धनकुटा
धनकुटा चौबिसे गाउँपालिका-७ सिमडाँडामा ६० वर्षीय खड्गबहादुर बिश्वकर्माको घरमा उनका सम्धी ६४ वर्षीय दिलबहादुर बिक मृत अवस्थामा फेला परेका छन्। मृतक दिलबहादुर तेह्रथुम लालीगुराँस नगरपालिका-८ सोल्पाका बासिन्दा रहेको जनाइएको छ।
रूकुम पश्चिम
रूकुम पश्चिम बाफिकोट गाउँपालिका-३ कुनाखेतस्थित सानी भेरी नदीको किनारमा ४३ वर्षीय लिला बहादुर घर्ती मृत अवस्थामा भेटिएका छन्। उनी मुसिकोट नगरपालिका-१ पातुखोला बस्दै आएका र रूकुम पूर्व पुथा उत्तरगंगा गाउँपालिका-५ हुकामका स्थायी बासिन्दा रहेको खुलेको छ।
गुल्मी
गुल्मी इस्मा गाउँपालिका-४ हुल उपल्लो गहतेमा ५० वर्षीया मीना दर्लामी आफ्नै घरभित्र मृत अवस्थामा फेला परेकी छन्।
तीनवटै घटनाको सम्बन्धमा प्रहरी प्रशासनले अनुसन्धान अघि बढाएको छ। प्रारम्भिक जानकारी अनुसार घटनाको कारण खुल्न नसकेकाले थप विवरणका लागि अनुसन्धान भइरहेको बताइएको छ।
तपाईको प्रतिक्रिया दिनुहोस