एनपीएलमा कर्णाली याक्सविरुद्धको खेलमा सुदूरपश्चिम रोयल्सका कप्तान दीपेन्द्रसिंह ऐरीले उत्कृष्ट प्रदर्शन गर्दै ‘प्लेयर अफ द म्याच’सहित तीन विभिन्न अवार्ड जितेका छन्।

सोमबार भएको खेलमा सुदूरपश्चिमलाई ६ विकेटले पराजित गर्न ३८ रनको महत्त्वपूर्ण योगदान दिएका दीपेन्द्रले ‘प्लेयर अफ द म्याच’को अवार्ड जित्दै ५० हजार रुपैयाँ पुरस्कार प्राप्त गरे।

यस्तै, उनले ‘सुपर फोर’ अवार्ड जिते, जसमा २५ हजार रुपैयाँ नगदसहित ५ हजार रुपैयाँको एनसेल रिचार्ज भौचर प्राप्त गरे। साथै, खेलको उत्कृष्ट क्षणलाई सम्मान गर्दै ‘ममेन्ट अफ द म्याच’को अवार्ड पनि दीपेन्द्रले आफ्नो नाममा लेखाए, जसमा थप २५ हजार रुपैयाँको पुरस्कार थियो।

सुदूरपश्चिमका अर्का खेलाडी इशान पाण्डेले उत्कृष्ट क्याचका लागि ‘क्याच अफ द म्याच’को अवार्ड जितेका थिए । उनले २५ हजार रुपैयाँ पुरस्कार प्राप्त गरे।

सुदूरपश्चिम रोयल्सको बलियो प्रदर्शन र दीपेन्द्रसिंह ऐरीको दमदार योगदानले टोलीलाई जिततर्फ उन्मुख गराउँदै महत्वपूर्ण मोडमा पुर्‍याएको छ।