एनपीएलमा सुदूरपश्चिम रोयल्सले कर्णालीलाई पराजित गर्दै प्लेअफमा
कीर्तिपुरस्थित त्रिवि अन्तर्राष्ट्रिय क्रिकेट मैदानमा सोमबार भएको खेलमा सुदूरपश्चिम रोयल्सले कर्णाली याक्सलाई ६ विकेटले पराजित गरेसँगै एनपीएलको प्लेअफ समीकरण पूरा भएको छ।
कर्णालीले दिएको १०२ रनको लक्ष्य सुदूरपश्चिमले १२.२ ओभरमा पूरा गर्न नसक्दा कर्णालीले प्लेअफमा स्थान पक्का गरेको हो। यस पराजयसँगै काठमाडौँ गुर्खाजको एनपीएल यात्रा समाप्त भएको छ।
सुदूरपश्चिमका कप्तान दीपेन्द्र सिंह ऐरीले टोलीका लागि उत्कृष्ट प्रदर्शन गर्दै ३८ रन बनाए। इशान पाण्डेले पनि ३८ रन बनाएर टोलीलाई लक्ष्य नजिक पुर्याए।
यसअघि, पहिले ब्याटिङ गरेको कर्णाली याक्सले १०२ रनको चुनौती प्रस्तुत गरेको थियो। कर्णालीका जिशान मक्सुदले ३० रनको योगदान दिए। विलियम बोसिस्टोले १६, बाबर हायातले १३, सोमपाल कामी र च्याडविक वाल्टनले समान ११ रन बनाए।
बलिङतर्फ सुदूरपश्चिमका हर्मित सिंहले ३ विकेट लिए। दीपेन्द्र सिंह ऐरी र स्कट कुगेलेइनले २–२ विकेट लिए भने सैफ जैबले १ विकेट हात पारे।
यो खेलसँगै एनपीएलको प्लेअफ समीकरण पूर्ण भएको छ, जसले अब थप रोमाञ्चक खेलको अपेक्षा गराएको छ।
तपाईको प्रतिक्रिया दिनुहोस