त्रिवि मैदान, कीर्तिपुरमा जारी नेपाल प्रिमियर लिग (एनपीएल) क्रिकेटमा आज दुई खेल हुनेछन्।
पहिलो खेल बिहान ९ बजे विराटनगर किङ्ग्स र काठमाडौँ गुर्खाजबीच भइरहेको छ। टस जितेर काठमाडौँले पहिले फिल्डिङ रोजेको छ। काठमाडौँका कप्तान करण केसी र विराटनगरका सन्दीप लामिछानेको कप्तानीमा दुवै टोली आफ्नो अन्तिम समूह चरणको खेल खेलिरहेका छन्।
काठमान्डु गुर्खाजविरुद्ध विराटनगर किंग्सले पहिले विकेट गुमाएको छ । लोकेश बम ९ बलमा ८ रन बनाएर आउट भएका छन् । विराटनगरले २.४ ओभरमा १७ रन बनाउँदा पहिलो विकेट गुमाएको हो ।
काठमाडौँले प्लेअफ पुग्न आजको खेल जित्नैपर्ने दबाब छ, जबकि विराटनगर प्रतियोगिताबाट बाहिरिइसकेको छ।
दोस्रो खेल दिउँसो १ बजे पोखरा एभेन्जर्स र सुदूरपश्चिम रोयल्सबीच हुनेछ। प्लेअफ पुग्न सुदूरपश्चिमलाई आजको खेल जित्नुपर्नेछ भने पोखराले प्रतिष्ठाका लागि खेल्नेछ।
तपाईको प्रतिक्रिया दिनुहोस