पाँच दिनसम्म लगातार घटेको नेप्से परिसूचक आज बुधबार उल्लेखनीय सुधार देखाउँदै ४५.८८ अङ्कले बढेर २,७१५.७१ विन्दुमा पुगेको छ। यो वृद्धिले लगानीकर्तामा सकारात्मक ऊर्जा थपेको छ।

बुधबार ३०८ कम्पनीका १ करोड १३ लाख ८६ हजार ८५४ कित्ता सेयर ५६,३५० पटकको कारोबारमा खरिदबिक्री भएको छ। यसबाट कुल ५ अर्ब ५ करोड ६ लाख ५४ हजार ४५० रुपैयाँ बराबरको कारोबार भएको हो। आजको कारोबारमा १३ मध्ये १२ उपसमूहले हरियाली देखाए।

बैंकिङ समूह सबैभन्दा बढी ३.४३% ले उकालो लाग्यो।
विकास बैंक १.६३%, जलविद्युत् १.९६%, वित्त १.८३%, र लगानी समूह ०.७९% ले वृद्धि भयो।
म्युचुअल फन्ड उपसमूहमा भने ०.३४% को गिरावट आयो ।

न्यादी हाइड्रोपावर: शेयर मूल्य ९.९७% ले वृद्धि, आजको सबैभन्दा बढी बढ्ने कम्पनी।
जानकी फाइनान्स: ३६ करोड १५ लाख रुपैयाँ बराबरको कारोबारसहित सबैभन्दा धेरै कारोबार हुने कम्पनी।
खानीखोला हाइड्रोपावर: सबैभन्दा बढी ९.९९% ले घट्ने कम्पनी रहेको छ ।

आजको सुधारले बजारमा लगानीकर्ताको आत्मविश्वास बढाएको देखिन्छ। पछिल्लो समय लगातारको गिरावटपछि नेप्सेमा आएको यो उछालले आगामी दिनमा थप सुधारको संकेत गरेको छ।